I. Samuela 2:18 - Iaai Bible 1901 (New Caledonia)

¹⁸ Ke Samuela ame bi athnyaba hnyi hnyimakö Iehova, ke e tiga wanakat, kʼ ame weikâ iefoda lino.

I. Samuela 2:18 ပူးပေါင်းရင်းမြစ်များ

II. Samuela 6:14

Ke Davita ame biâ hwege hnyi hnyimakö Iehova; ke Davita ame weikâ iefoda lino.

I. Man Ûlabainy Je Than. 15:27

Ke haba Davita me at Levi hnyat vadren tang, me hnyat khumöng, me Kenania at vhik khumöng ka tavat khumöng me, ödrin e khavâ ûkhaû a mano lino: ke Davita ame khavâ iefoda lino.

Esodo 28:4

Ke walang je ûkhaû adre me he ka tibet, ka habe, tubwiny ûlainy, me iefoda, me ûkhaû ae beû, me ûkot ae hu hnalimen, me hnabinybak, me wen hnyekon: adre me he ka tibet je ûkhaû ae kap hobi kö Arona tuhâm, me je lakon, me me at bihut könya.

Levitiko 8:7

Ke e ame okhâûâ e ge ûkhaû, me oweikâ e ge wen hnyekon, me okhâûâ e ge ûkhaû ae beû me iefoda, me oweikâ e ge wen iefoda adre hwâwâ metâ, me hûkâlâ e hnyi fetriny ûnyi gan.

I. Samuela 14:3

me Ahia a nöku Ahituba, liamekeiny me Ikaboda, nöku Fineasa, nöku Eli, at bihut kö Iehova hnyi Silo, e ame khavâ iefoda. Ke ca khana bi tavat a ga he but Jonathana.

I. Samuela 2:11

Me haba Elekana ame he Rama ai ka hnyi hnyaban. Me wanakat ame bi athnyaba Iehova hnyi bnyimakö Eli at bihut.

I. Samuela 2:28

Me oge ûca e ûnyi hnyi je tribu hia anyin at Isaraela me me at bihut könya, he ka hudo hon taben hut könya, he ka leû uto ae bo so, he ka khavâ iefoda hnyi hnyimakök? ke hawa, oge ham ka lap anyin lakâmâm ta je hut a an hnen meic ûnyi ge lakon Isaraela?

I. Samuela 22:18

Me ame ha than kö Doega, ka habe, Hwio thö u me kot hnyat bihut. Me ame hwio Doega at Edoma me kot at bihut; me e ame hlingâ hnyi bong eling eite faiv tavat ödrin e khavâ iefoda lino.

I. Samuela 3:1

KE haba Samuela a da ame athnyabai Iehova hnyi hnyimakö Eli. Ke ca khenen hofuc ho Iehova hnyi je ûen eling; ke ba hna omanenâ ame o.