E at ae hwege he ka hnu ta je meno hnyi hnyimakö Iehova: waleling mʼ adre me ha, ka habe, Helâ me Nimeroda at hwege he ka hnu ta je meno hnyi hnyimakö Iehova.
Ke e ame kunâ nokon baga he ka he hnyi wanben meic, ke e ame bihihwakecin, me bi biobotkong, me tha laba unyin tavat tren hanu ae kong, me tavat bi khong: e gan hmâ hulo e ame ânyâ hnyi hnyimakö Iehova, me me ohmönyinâ e.
Ke wale minya ang hnobun hna ânyâ: öbun e tube taben hut anyi Iehova ge dân ecmak, me tenge, me mâng, me me ca wâ hmetu hut, me ca kap senyinâ e ûnyi gabun.
Ke ame ne thu kâu hnen at, ka habe, ödrin e he eâu ka le pipikhenya, me waleling e khanö u he ka hom hoton wem bi; awe, e ame he ka ha, ka habe, Ohe, ke u me he ka ham walang ang: kʼ ame ne ba me oge me he ka hûgûnâ e.
Ke oge hia but ha kâu a oge me he ka owisa anyin lap nyiele balua, can monu e ame wâ, anyin a lakon ödru me oâ hnaûhango ködru bi, ke e ame ca thaw ödru.