I. Samuela 2:1 - Iaai Bible 1901 (New Caledonia)

¹ KE haba Hana ame hic me ha, ka habe, Ame senyin hnyekuk ga Iehova, Ame ogöranyâ anyik faoiny meno unyi Iehova: Adre ogânâ hnyimök hon je iwahnaihmiony mönya; Anyin a oge hobâ ûhomeli ûnyi gam.

I. Samuela 2:1 ပူးပေါင်းရင်းမြစ်များ

II. Man Ûlabainy Je Than. 20:27

Ke ame hmetu but at Juda me Jerusalema hia, me Jehosafata hnyi hnyimaködrin, he ka he hmetu Jerusalema ai me senyin; anyin a Iehova ame osenyini ödrin hon je iwahnaihmiony mödrin.

Nehemia 11:17

me Matania nöku Mika, nöku Zabedi, nöku Asafa, taben at ame hwân ogânâ hnyi hmi, me Babebukia, at a loiny unyin je liamekeiny mē; me Abeda nöku Samua, nöku Galal, nöku Jeduthun.

Jobu 16:15

Oge hia but tibet hon unyik mano ae gan nân, Ke oge hia but ip anyik faoiny meno eû hnyi kânâ.

Salamo 118:14

Tang hwegiök Ja, me anyik khumöng; Ke e thibi at ame omeli nya.

Salamo 13:5

Ke oge hia but labageju hnyi ânyâm ibetengiö, Ame he hnyekuk ka senyinâ ânyâm ûhomeli:

Salamo 148:14

Ke e ame hia but ogöranyâ faoiny meno anyin lakeiny, Wale hna ogânâ hnen anyin wakap. A hnen laku Isaraela, hnyei ae hakekeny kâu. Oganö Ja thʼ öbun.

Salamo 18:2

Iehova thibi kicik, me hnok hnabâ, me at ame omeli nya; Khonguk, kicik ae hmâ, oge me he ka labageju kâu; Becik, me faoiny meno hnân omeli nya, me anyik tap ae beû goranyai.

Salamo 20:5

Ohmun e he bi ka hobâ hnyi ûhomeli gam, Me otilâ anyihmun je boûdila hnyi ien Khongutin: E na he ju Iehova ka ohwâdâ hia hnâm je hna sumâtâ.

Salamo 21:2

U je hia but ham kâu weny hnyekon, Me ca behânâ bi hna sumâtâ hnen li esongodiny. [Sela.

Salamo 35:9

Kʼ ame he hanuk ka senyin kö Iehova: E ame he ka senyin hnyi anyin ûhomeli.

Salamo 51:15

Than lö, u me he ka khong li esongodik; Kʼ ame he hnyimök ka omanenâ hnân oganö u.

Salamo 71:8

Ame he ka unöngötö hnyimök ge hna oganö u, Me ge hmanenangâm hnyi je bong hia.

Salamo 75:10

Oge me he ka subâ degecâ ta je faoiny meno hia anyin tavat ae kong; Kʼ adre me he ka ogöranyâ li faoiny at ame ânyâ hwakecin ae wisa.

Salamo 89:17

Anyin a u thibi hmanenanginy hwegiödra: Ke adre me he ka ogöranyâ anyihmun faoiny meno hnyi ânyâm ibetengiö.

Salamo 89:18

Anyin a e unyi Iehova becihmun Ke tuhöhmun unyin At ae Kap anyi Isaraela.

Salamo 89:24

Ke ame be ka tha e me anyik hnathu me anyik ibetengiö; Kʼ adre me he ka ogöranyâ anyin faoiny meno hnyi iök.

Salamo 9:14

Me inye he ka haimemenâ je hofuc hia hnân oganö u: Ke oge me he ka senyinâ ûhomeli gam, Hnyi je homagouleny hlu nöku Ziona.

Salamo 92:10

Anyin a u je hia but ogöranyâ anyik faoiny meno helâ me faoiny rema: Adre me hû nya ge wakaco ae teb ûnyi.

Esodo 15:1

KE haba Mose me lakon Isaraela adre me tha khumöngö khumöng eang, ka habe, Oge me he ka khumöng kö Iehova anyin a e ame ti hom dökhu: A hia but khûâ hos me at ame tabâ ka hnyi köiö.

Esodo 15:21

Ke haba Miriama ame thu me ha, ka habe, Khumöngö thʼ öbun kö Iehova, anyin a e ame ti hom dökhu; A hia but khûâ hos me at ame tabâ ka hnyi köiö.

Habakuka 3:1

WALANG hic hiji Habakuka perofeta, adre me hai hnyi Shigionotha.

Habakuka 3:18

Ke so bi oge me he bala bi nya ka hobâ kö Iehova, Oge me he ka senyin ka Khong at ame omeli nya.

Luka 1:69

Kʼ ame otilâ thö faoiny ûhomeli hobi köta Hnyi lap anyi Davita a athnyabainy:

Roma 5:11

Ke ca hake wale thibi ang, ke ate me senyin ka Khong ûnyi ge Tuhöta Iesu Keriso, wale ate me kap ûsoköu ûnyi gan.

Deuteronomi 33:17

E hmanenang nokon haleny bolok a bân; Ke haba li faoiny, me wale faoiny bolok ae hiny: Ge li ûnyi e e ame he ka hukâ je hnyei hia ke ne o but je obiny hmeledrany: Ke haba ödra, me, je ten thauzan anyi Eferaima, Ke ödra je thauzan anyi Manasi.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Filipi 4:4

Senyin bala thö ka Than: ke inya hmetu oge me ba, ka habe, Senyin dö.

Filipi 4:6

Ca kong hnyekunâ ge ta je ûnyi; ke so bi hnyi ta je ûnyi hia thithö, omanenâ je webun ka Khong hnyi hic me sumat me ole.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

I. Samuela 1:6

Ke haba momo a iwahnaihmiony mē ame ovecâ hwegiâ e, he ka otengiâ e, anyin a Iehova ame otoûnyö e.

I. Samuela 1:7

Ke e ame labö ânyâ helâe hnyi je huna hnyi ûen e ame he ka hnyi uma umo Iehova, me ovecâ e; anyin a wale e ame tenge me ca hnyi han.