I. Samuela 19:7 - Iaai Bible 1901 (New Caledonia)

⁷ Ke Jonathana ame hawo Davita, ke Jonathana ame thumeto ge ta je hofuc hia eling. Ke Jonathana ame hum Davita kö Saulo, ke e ame tha e mē helâ me ehac.

I. Samuela 19:7 ပူးပေါင်းရင်းမြစ်များ

Genese 31:2

Ke a wâ but Jekob hnyimakö Labana a ca helâ hmetu ehac kâu.

I. Man Ûlabainy Je Than. 11:2

Hnyi je ûen ehac ke tiga than bi Saulo u je lelö ehele me lelö jem at Isaraela: ke haba Iehova Khongom ame ha köu, ka habe, U at ame he ka han lakeik a Isaraela, ke u me he ka taben lakeik a Isaraela.

Esodo 4:10

Ke haba Mose ame ha kö Iehova, ka habe, Than lö, iny ca at khet, waleji ehac, me walang ang hwaban hnâm hna fuc könya a athnyabaem: anyin a teta ifucik, ke teta bohmök.

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

I. Samuela 16:21

Ke Davita ame o but kö Saulo, me tot hnyi hnyimakan: ke e gan hmâ hnen hna hnyok kâu; ke e at hom tilâ anyin ta je omjehen vat.

I. Samuela 18:10

Ke nyi ame o but kö Saulo hanu ae kong ûnyi ge Kkong, ke e ame perofeta hnyi wanben umen uma: ke Davita ame kokot ge hnyamen helâ me ta je bong: ke e hnyi hnyamö Saulo ö.

I. Samuela 18:13

Ke Saulo ame ûsâkâûö mē, me otilâ e hnân taben thauzan; ke e ame didrut me didro hnyi hnyimakan tavat.

I. Samuela 18:2

Ke haba Saulo ame hom behânâ hnyi bong eling, kʼ ame ca hna he ka hmetu ka hnyi hnyaban kamen.

I. Samuela 19:6

Ke a long ut Saulo hofuc ho Jonathana: ke Saulo ame khemanyin, ka habe, Kia inya Iehova, adre me ca he ka hlingâ.

I. Samuela 19:8

Ke ame kû hmetu thö vat: ke Davita ame he, me vat me at Filisiti, me hlingʼ ödrin, ke gan hmâ hna hlingâ; ke adre, me kec gan.