I. Samuela 19:5 - Iaai Bible 1901 (New Caledonia)

⁵ ke e ame ip anyin möt hnyi hnyamen, me hlingâ at Filisiti, me Iehova ame omelö gan hmâ Isaraela hia thithö: u je wâ e, me senyin: ke anyin a ieû u me he ka kong ka dra ae ba hnyikongon, he ka hlingö Davita ke ba can?

I. Samuela 19:5 ပူးပေါင်းရင်းမြစ်များ

II. Samuela 23:10

e ame tot, me kot at Filisiti, ke ne o but ame hmokun dut hnyamen, ke ame kece hnyamen ka hnyi hele vat: ke Iehova ame omelö gan hmâ hnyi bong eling; ke haba tavat adre me hmetu he ka sei thibi.

I. Man Ûlabainy Je Than. 11:14

Ke ödrin e tot hnyi wanben utkânâ, me tuö wia e, me hlingâ at Filisiti; ke Iehova ame omeli ödrin ge ûhomeli ae gan hmâ.

I. Man Ûlabainy Je Than. 11:18

Ke haba ödrin kun ödrin e thu vat anyin at Filisiti, me se köiö hnyi an hnyi Bethe-leema hnyi homagöule, me hom, me hom kö Davita: ke so bi Davita ame höcö he ka ic, ke e ame hingâlâ e kö Iehova,

Salamo 109:5

Ke adre hia but bi hwaban könya so ge kong Me anyik betenge ge hûkötö.

Salamo 119:109

E bala bi hanuk hnyi hnyamok; Ke oge me ca hnying bi ânyâm hnanyibu.

Salamo 25:3

Eke, ame ca he ka hmehma at ame halubahingâm: Ke ame he ka hmehma tavat adre me iyawö ke ba can.

Salamo 69:4

Ödra se hia but hon leûnen bok tavat adre me hmiödra inya ke ba can: E hwege tavat adre me behlingö nya, wale je iwahnaihmiony mönya ge can ae ca hnathu: Waleling mʼ oge me ham hmetu ûnyi oge me ca hûgûnâ.

Salamo 94:21

Adre me tha ûkhacaköu he ka okongoâ hanon at ae wisa hwakecin, Me ohnaûbangöâ dra ae ba hnyikongon.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Jeremia 26:15

Ke so bi, wâhmakhmeto ju öbun, öbun e ne he ka hlingö nya, öbun e he ka ohwâdâ dra ae ba hnyikongon hubun, me hon taun ang me tavat adre me labā e: anyin ae hnathu Iehova ame kunö nya köbun he ka ha ka hnyi je hnyikönyöbun ta je hofuc ang.

Mataio 27:24

Ke a wâ but Pilato a e ame ca he ka ton, kʼ ame kû bi thö imonumonuny, me e ame hom utköiö, me hinyem hnyi hnyimakan tavat, me ha, ka habe, Iny alai ge dren at ang ae wisa: hamöbun biju.

Mataio 27:4

me ha, ka habe, Oge hia but ânyâ hulö he ka alecuâ dra ae ba hnyikongon. Ke haingödra, ka habe, U me ha bi kohmun? ka u bi u.

Ioane 15:25

Waleling me me hwâdâ but hna sihnalimen hnyi anyidra hnanyibu, ka habe, Adre hia but hûkötiö nya ke ba can.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Filipi 2:30

anyin a ne moko ju huliwa anyin Keriso, ke e ame ca oûnyihnathoâ anyin möt, me me he ka hwaböbun hnyi ûen ae hiʼ öbun he ka hadruo nya.

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Owisa 12:3

Ke o ge me wâ a öbun e ca omeli nya, me oge me oûnyibâûâ anyik möt, me he ka vat me laku Amona, ke Iehova ame hnʼ ödrin ka hnyi hnyamok: can ieû öbun e he jem könya hnyi bong ang he ka vat mönya?

Owisa 9:17

(anyin a vat cica hobi köbun, me ip anyin möt hnyi hnyimakan, me omeli öbun ûnyi hnyi hnyamen at Midiana:

I. Samuela 11:13

Haba Saulo ame ha, ka habe, Adre me ca he ka hlingâ ke at hnyi bong ang: anyin a Iehova ame ham möt hnyi bong ang hobi kâu at Isaraela.

I. Samuela 14:45

Me ame ha tavat kö Saulo, ka habe, Hawa, ame he ka mokcu Jonathana at ame omelö gânâ at Isaraela? Ohe, kia öhmun Iehova, ame ca he ka kolu ke leûnen ban; anyin a e ame hia but tha huliwa me Khong hnyi bong ang. Me haba tavat adre me omeli Jonathana, me ame ca mok bi.

I. Samuela 19:6

Ke a long ut Saulo hofuc ho Jonathana: ke Saulo ame khemanyin, ka habe, Kia inya Iehova, adre me ca he ka hlingâ.

I. Samuela 20:32

Ke Jonathana ame thu kö Saulo a kamen, me ha kâu, ka habe, Can ieû e ame he ka mok? ieû hnen hna ânyâ?

I. Samuela 22:14

Me Ahimelek ame thu ka than, ka habe, Ke ie at ae hnathu unyin lathnyabaem hia helâ me Davita, a ûngon than, kʼ adre hom ka hnyi ânyâm ûhnenamö, me ogânâ hnyi hnyabam?

I. Samuela 28:21

Ke ame o but momo kö Saulo me wâ ae gan anyin hlohloʼ me ha kâu, ka habe, Wâ bi, inya athnyabaem oge me long hwâm hofuc, ke oge me ip anyik möt hnyi hnyamok, me long hofuc u je ha könya.