I. Samuela 19:1 - Iaai Bible 1901 (New Caledonia)

¹ KE haba Saulo ame ha kö Jonathana a nokon, me lathnyabainy hia, mʼ ödrin e he ka hlingö Davita.

I. Samuela 19:1 ပူးပေါင်းရင်းမြစ်များ

Genese 37:18

Ke ödrin e wâ but e ke tiga sâkâû, ke e tiga ca hakekeny ködrin, me ödrin e ûhnenamö he ka hlingâ.

II. Samuela 4:8

Ke ödru me hom bö Ise-boseth kö Davita hnyi Heberona, me ha ka than, ka habe, Wâ bi, bö Ise-boseth nöku Saulo iwahnaihmiony möu, wale at ame elâm ânyâm möt; ke a hia but Iehova bi hwaban kö Saulo me je mâtrâniny hobi kâu than a tuhok hnyi bong ang.

I. Samuela 18:1

KE haba hnyi ûen e ame umo fuc kö Saulo, me haba hnyeku Jonathana ame hwege hnyok kö Davita, ka ame betenge kâu Jonathana helâ me e ame ka hnyokâ hing hanon bi.

I. Samuela 18:25

Me haingö Saulo, ka habe, Öbun e he ka ha helâng kö Davita, ha habe, E ca weny bi than sâniny hlu, ke so bi, khaca haded je unen unyin at Filisiti, me me bi hwaban je iwahnaihmiöny me than. Anyin a haba Saulo ame ûnykûme he ka kuc Davita ge hnyamen at Filisiti.

I. Samuela 18:3

Me haba Jonathana me Davita ödru me ûhi-hinyköu, anyin a e ame betenge gan helâ me e ame betenge kâu bi.

I. Samuela 18:8

Ke Saulo ame hmonyin gan hmâ, ke kong kâu hofuc eling; ke haingen, ka habe, Ödrin e hna je ten thauzen kö Davita, ke ödrin e hna könya je thauzan thibi: awe, ieû hmetu bi, ama hobi kâu but dökhu?

I. Samuela 18:9

Ke Saulo ame ecmakö Davita hwân hnyi bong eling.

I. Samuela 19:2

Ke so bi Jonathana ame hnyok kö Davita. Me Jonathana ame thumetu Davita, ka habe, Cica Saulo ame elâm he ka hlingö u: anyin a wale ö u wâ wia nyi, ke me laba hnyi dok ae iyong, me ikhölö:

I. Samuela 20:1

KE Davita ame kec ûheny Naioth hnyi Rama, me he me ha hnyi hnyimakö Jonathana, ka habe, Ieû oge me ânyâ? ke ieû anyik hulö? ke ieû kongik hnyi hnyimakan kâmâm, me me elâm he ka hlingö nya?

I. Samuela 20:19

Ke kun biju bongom, me u me he ka ie he me o ka hnyi dok waleji u je ikhölö hnyin hnyi bong ae hu hwakecin, ke u me he ka laba hnyi veto Azela.