I. Samuela 18:6 - Iaai Bible 1901 (New Caledonia)

⁶ Ke hnyi ûen adre me o, wale Davita ame hmetu ûheny hnyi hna kot at Filisiti, me ame he omomo ûnyi hnyi ta je taun hia hnyi Isaraela, kʼ ödrin e khumöng ma bibiâ he ka ûkhanö me Saulo, me je bwinybet, me senyin, me je ûnyi khumöng.

I. Samuela 18:6 ပူးပေါင်းရင်းမြစ်များ

II. Samuela 1:20

Ca he ka thumetoâ hnyi Gatha, Ca he ka khetâ e hnyi je getheniny Asekelona; Wâ e nye senyin wahlu lakon at Filisiti, Wâ e nye hobâ wahlu lakon tavat adre ca peritomonâ.

II. Samuela 6:5

Ke haba Davita me lap Isaraela hia, adre me khumöngö hnyi hnyimakö Iehova ta je ûnyi khumöng kop, me je kitara, me nabeli, me bwinybet, me pate, me simebalo.

Salamo 149:3

E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

Salamo 68:11

Than ame ha hofuc: E ti se hia je momo adre me khetâ je uthumetu.

Salamo 68:25

Ame bân tavat khumöng, kʼ ame bilidrin tavat hai ta je ûnyikhumöng, Hnyi wanben wahlu adre me khaûkhaû je bwinybet.

Esodo 15:20

Ke Miriama perofeta momo, hani Arona, ame hom bwinybet hnyi hnyamen; ke omomo hia ae ve hu bwinybet odrin e he hoton me bibiâ.

Esodo 15:21

Ke haba Miriama ame thu me ha, ka habe, Khumöngö thʼ öbun kö Iehova, anyin a e ame ti hom dökhu; A hia but khûâ hos me at ame tabâ ka hnyi köiö.

Isaia 30:32

Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

Owisa 11:34

Ke ame o thö Jefetha hnyi Mizepa ka hnyi hnyaban, me wâ bi, ame o thö nokon hlu he ka ukhanö mē, me je bwinybet me bibiâ: ke hake e thibi nokon, ke ba hmetu nokon baga me hlu.

I. Samuela 18:5

Ke Davita ame labö he ka hnyi je hna kunâ kâu hnö Saulo, me metâ hwakecin: ke Saulo ame otilâ e hon aten vat, kʼ ame so ka tavat hia, me lathnyabai Saulo.