I. Samuela 18:5 - Iaai Bible 1901 (New Caledonia)

⁵ Ke Davita ame labö he ka hnyi je hna kunâ kâu hnö Saulo, me metâ hwakecin: ke Saulo ame otilâ e hon aten vat, kʼ ame so ka tavat hia, me lathnyabai Saulo.

I. Samuela 18:5 ပူးပေါင်းရင်းမြစ်များ

Genese 39:23

Ke ame ca wâ tuhan uma ceat ke ûnyi unyin, anyin a tha Iehova me, ke Iehova ame ohnahicâ hnen hna ânyâ.

II. Samuela 5:10

Kʼ ame hwege tot Davita; anyin a e bi unyin Iehova Khongon sabaoth.

II. Samuela 5:2

Ke haba ehac waleji a than kötin Saulo, me u thibi at ame lelö hââng me lelö hmetu jem at Isaraela: ke Iehova ame ha köu, ka habe, U ma he ka hān lakeik a Isaraela, ke u me be ka bi than hnyi Isaraela.

II. Man Ûlabainy Je Than. 17:3

Ke Iehova ame tha e me Jehosafata, anyin a e ame vheno je de Davita a bân a kiben, ke e ame ca elâm unyin je Baala;

Salamo 1:3

Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ.

Salamo 101:2

Oge me he ka metâ hnyi gethen ae wisa: Ie ûen u me he ka o hnyin könya? Oge me he ka he hnyin umök uma me hnyok ae wisa.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Ta je huliwa 7:10

kʼ ame omelö e ûnyi hnyi anyin ta je vec hia, me ham kâu ibetengiö me metâ hnyi hnyi-makö Farao than Aigupito; ke e ame otilâ e me me musi hnyi Aigupito me hnyaban hia.

Efeso 5:17

Anyin a wale, ca hwen monu bi öbun, ke wâ ûnykûme weny Than.

Kolose 4:5

E so öbun e he hnyi metâ unyidra eû hnyou, me oûnyihnathoâ ta je ûen,

Owisa 1:19

Ke o bi Iehova unyi Juda; me e ame obâ tavat odrin e laba hnyi hnyei ae hut; ke ca khana bi he ka obâ tavat odrin e laba hnyi hnyigöulen bucen, anyin ae hu gadrin je kariota fao.

I. Samuela 13:2

Ke haba Saulo ame ûca hobi kâu kun ta thauzan at Isaraela; haba lo li thauzan ka e bi unyi Saulo hnyi Mikemas me hnyi bucen Beth-ela, ke haba khaca thauzan ka e unyi Jonathana hnyi Gibea hnyi Beniamina: ka haba kolon tavat e ame ve kunʼ ödrin ka hnyi umödrin je uma mano.

I. Samuela 14:52

Ke e hwege vat me at Filisiti hnyi je bong hia bongu Saulo: ke ame ne wâ but Saulo ke je hnyat ae hwege, me tavat ae ba ot, me e ame hom bi kâu.

I. Samuela 18:16

Ke ame betenge Isaraela hia me Juda hia ga Davita; anyin a e ame didrut me didro hnyi hnyimaködrin.

I. Samuela 18:30

Ke ame he but je thaniny at Filisiti: ke hwân hnyi ûen ödrin e he but, me Davita ame ânyâ metâ hon lathnyabai Saulo; me ame lung gan hmâ ien.

I. Samuela 18:4

Me Jonathana ame uny jut anyin ûkot wale e ame khavâ, me ham kö Davita me me khaûen bi, me anyin minya hele vat, me cafana, me wen minya hnyekon.

I. Samuela 18:6

Ke hnyi ûen adre me o, wale Davita ame hmetu ûheny hnyi hna kot at Filisiti, me ame he omomo ûnyi hnyi ta je taun hia hnyi Isaraela, kʼ ödrin e khumöng ma bibiâ he ka ûkhanö me Saulo, me je bwinybet, me senyin, me je ûnyi khumöng.

I. Samuela 3:19

Ke ame gan tot Samuela, ke tha Iehova mê, ke e ame ca hna he ka kolu ka hnyi kânâ khaca hnyi hwan je hofuc.