I. Samuela 18:30 - Iaai Bible 1901 (New Caledonia)

³⁰ Ke ame he but je thaniny at Filisiti: ke hwân hnyi ûen ödrin e he but, me Davita ame ânyâ metâ hon lathnyabai Saulo; me ame lung gan hmâ ien.

I. Samuela 18:30 ပူးပေါင်းရင်းမြစ်များ

II. Samuela 11:1

KE ame o hmetu but huna a ûen ame labö he je than he ka vat hnyin, me haba Davita ame kunö Joab me lakeiny unyin, me Isaraela hia; ke ödrin e ohia lakon Amona me thelöng Raba. Ke Davita ame laba hnyi Jerusalema.

II. Samuela 7:9

ke oge me tha he möu waleji hnyi hnâm hna he ka hnyin, me subâ degecâ je iwahnaihmiony möu hnyi hnyimâkâm; ke oge me he ka olungâ iâm helâ me ien tavat ae gan eang hmelen.

II. Je Than 1:13

Ke e ame kunâ hmetu ke taben tavat a fifte, at a kuniny, a tha e me anyin fifte. Me ame ölö thö taben tavat a fifte a kuniny, me o me ciboucâ hnyi hnyimakö Elia, me ame khöû kâu, me ha kâu, ka habe, Aten Khong lö, ö u oûnyihnathoâ anyik möt, me möt minya anyin tavat a fifte eang a lathnyabaem.

Salamo 116:15

E ûnyi hnathu kö Iehova Mok anyin anyin wakap.

Salamo 119:99

Iny metâ hon tavat hia adre me nö nya; Anyin a inya oge me ûnykûme wia hnâm ta je hna ohnathoâ.

Ta je Vejec 12:8

Adre me he ka haisoâ at hoton anyin metâ: Kʼ adre me he ka hûkotiâ at ae hwali hnyekon.

Daniela 1:20

Ke haba hnyi ta ûnyi hia ge metâ me wâhmakhmeto, wale ame hnei ödrin gan than, e ame ö ʼdrin a ten beonuâ anyidrin metâ hon metâiny ta je magoi hia me tavat bihihwakecin hnyi dokhon dokhu hia.

Luka 21:15

anyin oge me he ka ham köbun hnyem me metâ, me me ca khana iwahnaihmiony möbun he ka ûkhin fuc möbun me ton.

Efeso 5:15

Anyin a wale, wâ wia ûhebun, ca he bi ka helâ me tavat ae monu, ke so bi helâ me tavat ae metâ;

I. Peteru 2:4

kʼ öbun e he kâu wale veto ae möt, ke a degec hnen tavat, ke a ûca hnen Khong, ke gan hmâ hwaban,

I. Peteru 2:7

Anyin a wale, haba ûnyihnathuiny, me hobi köbun a hnyat labageju: ke haba hnyat adre me ca labageju, me wale bi ang, Haba veto ame degec hnen tavat up uma, Me adre hia but ânyâ hnân ban kopiny,

I. Samuela 18:29

Ke ame ot tot Saulo ga Davita; ke iwahnaihmiony bala Saulo me Davita.

I. Samuela 18:5

Ke Davita ame labö he ka hnyi je hna kunâ kâu hnö Saulo, me metâ hwakecin: ke Saulo ame otilâ e hon aten vat, kʼ ame so ka tavat hia, me lathnyabai Saulo.

I. Samuela 19:8

Ke ame kû hmetu thö vat: ke Davita ame he, me vat me at Filisiti, me hlingʼ ödrin, ke gan hmâ hna hlingâ; ke adre, me kec gan.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.

I. Samuela 26:21

Me haba Saulo ame ha, ka habe, E kong hwakecik: hmetu ju u, Davita nokuk: anyin oge me ca he hmetu ka okongu u bi, anyin a haba anyik möt me e ûnyi hnathu hnyi li emakâm hnyi bong ang: wâ bi, oge hia but ânyâ monu, me ti monu gan hmâ.

I. Samuela 26:24

Ke wâ bi, adre me oûnyihnathoâ ânyâm möt eja ûnyi gak, anyin a wale e so ame he Iehova ka oûnyihnathoâ anyik möt, me so e ame omeli nya ûnyi hnyi ta je vec hia thithö.