I. Samuela 18:28 - Iaai Bible 1901 (New Caledonia)

²⁸ Ke a wâ but Saulo, me wâhmakhmeto a e bi Iehova unyi Davita; ke haba Mikala hlu nöku Saulo ame betenge kâu.

I. Samuela 18:28 ပူးပေါင်းရင်းမြစ်များ

Genese 26:28

Ke haingödrin, ka habe, Öhmun e wâ wia thö a tha Iehova möu; me haingöhmun, ka habe, ötin e he ka ve khemanyin, a öhmun möu, ke öhmun e he ka ûhihinyköu möu;

Genese 30:27

Me haingö Labana kâu, ka habe, A ne hu ânyâm ibetengiö könya, me halubahingen ju, anyin a oge me wâhmakhmetoâ a Iehova ame ohnahici nya gam.

Genese 39:3

Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.

I. Samuela 18:20

Ke haba Mikala hlu nöku Saulo ame betenge ga Davita: me ödrin e thumetu Saulo, ke e so kâu.

I. Samuela 18:27

me haba Davita ame tot me he, a e me anyin vat me kot at Filisiti a tu haded; ke Davita ame hom je unen unyidrin a ka e ka than, me me he ka ûngon than. Me Saulo ame ham Mikala a nokon hlu kâu me âiân.

I. Samuela 18:29

Ke ame ot tot Saulo ga Davita; ke iwahnaihmiony bala Saulo me Davita.

I. Samuela 24:20

Ke walang ang, wâ bi, e khanö nya a u me he ka than, ke adre me he ka ohmâ dökhu Isaraela hnyi hnyamâm.

I. Samuela 26:25

Ke haba Saulo ame ha kö Davita, ka habe, E so u me hnahic ut, Davita nokuk u me he ka ânyâ ûnyi ae beönua, me he bala ka hwege. Ke Davita ame vheno deny gethen, ke Saulo ame hmetu ka hnyi hnyaban.