I. Samuela 18:21 - Iaai Bible 1901 (New Caledonia)

²¹ Ke ame ha Saulo, ka habe, Oge me he ka ham e kâu, me me hai hnyamen at Filisiti kâu. Anyin a wale Saulo ame ha kö Davita, ka habe, U me he ka ûnguk hnyi bong ang hnyi ûen a loiny.

I. Samuela 18:21 ပူးပေါင်းရင်းမြစ်များ

Salamo 38:12

Adre me töu hnewek tavat adre me elâm hanuk. Kʼ ame haiö nya hnen tavat adre me bekuc nya, Kʼ adre me ûnykûme tang iyawö hnyi je bong.

Esodo 10:7

Ke haingen je lathnyabai Farao kâu, ka habe, Ame he ka hnân knewe köta at eang ke ne o but kehö? hna but tavat mʼ adre me he ka bi athnyabai Iehova Khongudrin: hawa e ca khatö u bala a ga kong ut Aigupito?

Ta je Vejec 29:5

Haba at ame ita hofuc ka ke at Me ame ka thong ert hobi kâu li can.

Jeremia 5:26

Anyin adre wâ tavat ae kong unyin lakeik: adre me tuö, helâ me ûyâûiny at ame töu hnewe: adre me hwa ofific me me hnok at.

Jeremia 9:8

Fana adre me mekiny ta je bohmödra; e ame fuc iyawo: ke at ame ha ûsoköu ge hnyimen ka ke at, ke e ame ip hnân hobi kâu e eû hnyi hnyekon.

I. Samuela 18:17

Ke Saulo ame ha kö Davita, ka habe, Wâ bi nokuk hlu a atö jia Meraba, oge me he ka ham köu me âiâm: ke so bi u me he ka hwege bi singik, me vâtâ je vat anyi Iehova. Anyin a haingö Saulo, ka habe, E so e me ca kot e ge hnyamok, ke so bi hamen hnyamen at Filisiti he ka kot.

I. Samuela 18:22

Ke Saulo ame hûna ka lathnyabainy, ka habe, Ûhnenamö duöng ju me Davita, me ha, ka habe, Wâ bi, than ame weny u, kʼ ame betenge gam lathnyabainy hia: ke u me he ka ûngon than walang ang.

I. Samuela 18:26

Ke haba lathnyabainy, ödrin e thumetu Davita ge ta je hofuc eling, me ame so kö Davita he ka ûngon than. Ke tiga ca um bi je bong;