I. Samuela 18:17 - Iaai Bible 1901 (New Caledonia)

¹⁷ Ke Saulo ame ha kö Davita, ka habe, Wâ bi nokuk hlu a atö jia Meraba, oge me he ka ham köu me âiâm: ke so bi u me he ka hwege bi singik, me vâtâ je vat anyi Iehova. Anyin a haingö Saulo, ka habe, E so e me ca kot e ge hnyamok, ke so bi hamen hnyamen at Filisiti he ka kot.

I. Samuela 18:17 ပူးပေါင်းရင်းမြစ်များ

II. Samuela 11:15

Ke e ame sihnalimen hnyi tusi, ka habe, Ip Uria ju cicö dok adre vat hwege hnyin, me hna but e, mʼ adre me kot, me me mokcu.

II. Samuela 12:9

Ieû gam u je hia but höciâ hofuc ho Iehova he ka ânyâ hulö hnyi hnyimakan? u je hia but kuc Uria at Heth ge hele vat, me hom âiân me âiâm, ke u je hlingâ e ge hele vat anyin lakon Amona.

II. Samuela 6:16

Ke hnyi ûen ame didro tang tangö Iehova ka hnyi taun anyi Davita, haba Mikala nöku Saulo ame bwele hnyi mamalama me ō Davita than ame gâ me bibiâ hnyi hnyimakö Iehova; me e ame hûkötiâ e hnyi hnyekon.

Salamo 12:2

Adre me ve ha thoi ka at ame laba hakekenyi ödra: Adre me fuc ge je esongodidra ae ûtakû, me hnyok lo.

Salamo 55:21

E haûhaû hnyimen helâ me bata, Ke vat bi hnyekon: E menyik hwan je hofuc hon wakaco, Ke je hele vat bi ling adre oc.

Ta je Vejec 26:24

Haba at ame ûöhûköti, e ame iyawo hnen li esongodiny, Me ip tang iyawo hnyi hnyekon:

Ta je Vejec 26:25

E ka ha hofuc ae wisa, ca kap bi; Anyin a eû hnyi hnyekon je ûnyi ae ikiki a seven.

Ta je Vejec 26:26

Eja ke ne a ne khavâ anyin ûöhûköti ge iyawo, Ame he ka manen hwakecin ae kong hnyi ûkhacaköu.

Numera 21:14

Anyin a wale ame ha hnyi tusiny Je vat anyi Iehova, ka habe, Vaeba hnyi Sufa Me je hnyigöulen bucen e Arenona,

Numera 32:20

Ke haba Mose ame thu ködrin, ka habe, Öbun e ne he ka ânyâ ûnyi e; wale öbun e ne he ka penapena he ka he hnyi hnyimakö Iehova he ka hnyi vat e helë,

Numera 32:27

kʼ ame he lathnyabaem ka hanyâûâ, a tavat gahmun hia adre me hom omjehen vat hnyi hnyimakö Iehova he ka hnyi vat, hoton hna ha hnen than.

Numera 32:29

Ke Mose ame ha ködra, ka habe, Ame ne tha he möbun laku Gada me laku Reubena ka hanyâûâ Joridano, a je hnyat hia adre hom omjehen vat, hnyi hnyimakö Iehova, me hom ûhnyûkongoâ hnyei hnyi hnyimaköbun; awe, öbun e he ka ham ködra hnyei Gileada me me idra bi:

Deuteronomi 17:7

Ke ame he ka bân je hnyamen hnyat ohnatho hon he ka hlingâ, ke biliny bi je hnyamen tavat hia. Me waleling u me he ka ohia ta je ûnyi ae kong unyâm.

I. Samuela 14:49

Ke walang laku Saulo, Jonathana, me Ishivi, me Maleki-sua: ke walang ien lakon li hlu; jia Meraba wale atö, ke Mikala ien wakeiat:

I. Samuela 17:25

Me ame ha at Isaraela, ka habe, Öbun e wâ at eang ame o? ame o he ka humbasö at Isaraela: ke haba at ame he ka hlingâ, me ame he than ka otenâ gan hmâ omjeû, me ham kâu nokon hlu, ke adre me he ka hna gufa lap anyin kamen hnyi Isaraela.

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.

I. Samuela 17:47

me me he minya ûkhacaköu eang ka wâhmakhmeto a Iehova ame ca ûhomeli ge hele vat me ö: anyin a haba vat anyi Iehova, me e ame he ka hnʼ öbun ka hnyi hnyamöhmun.

I. Samuela 18:21

Ke ame ha Saulo, ka habe, Oge me he ka ham e kâu, me me hai hnyamen at Filisiti kâu. Anyin a wale Saulo ame ha kö Davita, ka habe, U me he ka ûnguk hnyi bong ang hnyi ûen a loiny.

I. Samuela 18:25

Me haingö Saulo, ka habe, Öbun e he ka ha helâng kö Davita, ha habe, E ca weny bi than sâniny hlu, ke so bi, khaca haded je unen unyin at Filisiti, me me bi hwaban je iwahnaihmiöny me than. Anyin a haba Saulo ame ûnykûme he ka kuc Davita ge hnyamen at Filisiti.

I. Samuela 18:27

me haba Davita ame tot me he, a e me anyin vat me kot at Filisiti a tu haded; ke Davita ame hom je unen unyidrin a ka e ka than, me me he ka ûngon than. Me Saulo ame ham Mikala a nokon hlu kâu me âiân.

I. Samuela 25:28

Ö u hna but monu anyin athnyabaem: anyin ame he Iehova ka ânyâ hobi kâû tuhok lap ae tethmâ, anyin ame vâtâ tuhok je vat anyi Iehova; ke adre me ca he ka wâ hulö unyâm hnyi ânyâm je bong hia.

I. Samuela 30:26

Ka o but Davita hnyi Zikelag, me e ame kunâ ke je ûnyi adre sö ka je hingatiny hnyei Juda, a je lahanen, me ha, ka habe, Walang bwihlany hobi köbun ûnyi hnyi je ûnyi adre sö ge je iwahnaihmiony me Iehova;