I. Samuela 18:12 - Iaai Bible 1901 (New Caledonia)

¹² Ke haba Saulo ame outö Davita anyin a e bi Iehova unyin, ke e hia but unyi Saulo.

I. Samuela 18:12 ပူးပေါင်းရင်းမြစ်များ

II. Samuela 5:10

Kʼ ame hwege tot Davita; anyin a e bi unyin Iehova Khongon sabaoth.

II. Man Ûlabainy Je Than. 17:3

Ke Iehova ame tha e me Jehosafata, anyin a e ame vheno je de Davita a bân a kiben, ke e ame ca elâm unyin je Baala;

Salamo 51:11

Ca digic nya bi hnyi hnyimâkâm; Ke ca hom bi gak hanom ae kap.

Salamo 53:5

Adre me ot gan hmâ eling, ke ba ûnyi hnân outen bi: Anyin a biâ but Khong khûâ degecâ je jeien tavat waleji adre me hunumâ cici u; U je hia but ohmehmʼ ödra, anyin a hia but Khong digic Ödra.

Hosea 9:12

Eja ke ne adre ne hat je lakudra, me oge me he bi nya ka ohiʼ ödra unyin tavat, me me ba hmetu at a kolon: eke, ekölö gadra bi, iny ka he ka digic ödra!

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Mareko 6:20

anyin a Heroda ame outö Ioane, ame wâhmakhmeto e, a e at ae wisa me kap, me e ame tuö e. Ke hnyi ûen e ame long ifucin, me e ame hlohlo gan hmâ; ke e ame long senyinâ hwan hofuc.

Luka 8:37

Ke haba tavat aten hnyei Gadara hia igigilo, adre me khöû kâu he ka hnʼ ödra but, anyin adre me ot gan hmâ: me e ame ölö thö ka hnyi hu me kec hmetu.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Ta je huliwa 7:9

Ke haba je pateriaka ödrin e ûcû Josefa hnyi Aigupito can ödrin e hunyinyâ: ke e bi unyin Khong,

Owisa 1:19

Ke o bi Iehova unyi Juda; me e ame obâ tavat odrin e laba hnyi hnyei ae hut; ke ca khana bi he ka obâ tavat odrin e laba hnyi hnyigöulen bucen, anyin ae hu gadrin je kariota fao.

Owisa 16:20

Ke e ame ha, ka habe, Samasona at Filisiti but ang. Me e ame hmak dö ûheny hnyi hna mokut, me ha, ka habe, Oge me he ka didrut helâ me je ûen ehac, me inye lilöhlöu but, Ke ca khana a ga hiö Iehova but unyin.

I. Samuela 16:18

Me ame thu ke hidröu me ha, ka habe, Wâ bi, oge hia but wâ ke at nöku Jese, at Bethe-leema, ae khana ânyâ ûnyi khumöng, ke e at ae hwege hmonyin, me at vat, me metâ hnyi hwan je hofuc, ke e at ae hmanenang, ke e unyin Iehova.

I. Samuela 16:4

Me Samuela ame ânyâ ûnyi ame ha Iehova, me o hnyi Bethe-leema. Ke haba wahingatiny taun ödrin e ûkhanö me, me öbubuny, me ha, ka habe, U me o hnyi ûsoköu?

I. Samuela 18:15

Ke a wâ but Saulo a e ame ânyâ metâ me e ame outen.

I. Samuela 18:20

Ke haba Mikala hlu nöku Saulo ame betenge ga Davita: me ödrin e thumetu Saulo, ke e so kâu.

I. Samuela 18:29

Ke ame ot tot Saulo ga Davita; ke iwahnaihmiony bala Saulo me Davita.

I. Samuela 20:13

Ke so Iehova ame ânyâ helâe kö Jonathana, me bi hanen minya, ame ne so kö cica he ka okongu u, me oge ne ca omanenâ köu, me kunö u, me u me he ka he hnyi hnahic: ö e tha Iehova mou helâ me hnen hna tha e me cica e hac.

I. Samuela 22:13

Ke haingö Saulo kâu, ka habe, Can ieû obe ûsabö hnök, a u me nöku Jese, waleji hnyi hnâm hna han, me ham kâu hele vat, me elâm unyin Khong hobi kâu, me me tot könya, me ip hnök helâ me hnyi bong ang?

I. Samuela 28:15

Haba Samuela ame ha kö Saulo, ka habe, Anyin a ieû u je bwebweli nya, he ka oi nya? Haingö Saulo, ka habe, Iny hlohlo gan hmâ; anyin ame he at Filisiti ka vat mönya, ke hia but Khong unyik ke ame ca thu hmetu bi könya, a ca deny je perofeta, ke ca deny je bwi: wale me inye hawo u thö, me u me omanenâ könya ûnyi oge me he ka ânyâ.

I. Samuela 3:19

Ke ame gan tot Samuela, ke tha Iehova mê, ke e ame ca hna he ka kolu ka hnyi kânâ khaca hnyi hwan je hofuc.