I. Samuela 17:54 - Iaai Bible 1901 (New Caledonia)

⁵⁴ Ke Davita ame hom ban at Filisiti, me hom e Jerusalema ai; kʼ ame ip omjehen vat eiö hnyi umen ama mano.

I. Samuela 17:54 ပူးပေါင်းရင်းမြစ်များ

Esodo 16:33

Haba Mose ame ha kö Arona, ka habe, Hom dö kaia me bi önyen ju e ge mana a khaca omer me ip hnyi hnyimakö Iehova, mʼ adre me he ka tuö hobi kâu anyibun je dö.

I. Samuela 17:53

Ke a hmetu lakon Isaraela ûhedra hnyi hna hnu at Filisiti, me ödra adre me sö anyidra ta je ûnyi.

I. Samuela 17:55

Ke hnyi ûen Saulo ame ô Davita ame he ka ûkhanö me at Filisiti, me e ame ba kö Abinera taben anyin vat, ka habe, Abinera lö, nöku ia hidröu e? Haingö Abinera, ka habe, Kia inya than ae ca khanö nya.

I. Samuela 17:57

Ke Davita ame hmetu ûheny hnyi hna kot at Filisiti, me Abinera ame hom e, me hom kö Saulo, ke e hnyi hnyamen ban at Filisiti.

I. Samuela 21:9

Ke haingen at bihut, ka habe, Haba hele vat anyi Goliatha at Filisiti, at u je kot hnyi hnyigöulen bucen Ela, wale but ang adre lan ge ecmano, ame mokut hoton iefoda: u je ne wem he ka hom e, hom do: anyin ae ba hanen eang, ke hake e thibi. Me haingö Davita, ka habe. Ho jem; anyin ae ba khaca a helâe.