I. Samuela 17:47 - Iaai Bible 1901 (New Caledonia)

⁴⁷ me me he minya ûkhacaköu eang ka wâhmakhmeto a Iehova ame ca ûhomeli ge hele vat me ö: anyin a haba vat anyi Iehova, me e ame he ka hnʼ öbun ka hnyi hnyamöhmun.

I. Samuela 17:47 ပူးပေါင်းရင်းမြစ်များ

II. Je Than 5:15

Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.

II. Man Ûlabainy Je Than. 14:11

Haba Asa ame tenge kö Iehova Khongon me ha, ka habe, Iehova lö, e ba at ke u thibi he ka hadruâ, wanben at ae hwege, me at ae ba maniny: Iehova lö, Khonguhmun, hadruʼ ohmun; anyin ohmun e labageju köu, ke ûnyi hnyi iâm ohmun e hia but o ka tavat ang ae se. Iehova lö, u thibi Khonguhmun; e so e ca he at ka hwege hom.

Salamo 46:11

Tha e mota Iehova tuhan sabaoth; Hnöta hnabâ Khongu Jekob. [Sela.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Hosea 1:7

Ke so bi, oge me he ka betenge ge lap anyi Juda me omeli ödra a deny Iehova Khongudrin, ke oge me he ka omeli ödra ge cefana, me hele vat, me vat, me je hors, me tavat tabô hors.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Roma 8:37

Ohe, e tuta balua hon ta je ûnyi hia eling ûnyi ge at ame betenge gata.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 18:17

Ke Saulo ame ha kö Davita, ka habe, Wâ bi nokuk hlu a atö jia Meraba, oge me he ka ham köu me âiâm: ke so bi u me he ka hwege bi singik, me vâtâ je vat anyi Iehova. Anyin a haingö Saulo, ka habe, E so e me ca kot e ge hnyamok, ke so bi hamen hnyamen at Filisiti he ka kot.