I. Samuela 17:46 - Iaai Bible 1901 (New Caledonia)

⁴⁶ Ame he Iehova ka hnö u ka hnyi hnyamok hnyi bong ang; ke oge me he ka kuc u me subâ degecâ bâm; ke oge me he ka ham unyin je utbavat anyin at Filisiti ka omeno ame gâ, me omeno a binyin hmeledrany hnyi bong ang; me me he hmeledrany hia ka wâhmakhmeto a e bi Khong unyin at Isaraela:

I. Samuela 17:46 ပူးပေါင်းရင်းမြစ်များ

Genese 40:19

ke tiga ca um kun ta bong ame he Farao ka ogörânyâ bâm ûnyi hnyi unyâm, me uhni u hnyi ûö; kʼ ame he ka an unyâm hnen ta je meno ame gâ.

II. Samuela 18:28

Ke Ahimaza ame hongot, me ha ka than, ka habe, E hnahic ut. Ke e ame nom hnyikânâi hnyi hnyimakan than, me ba, ka habe, Ole kö Jehova Khongom at ame hom hwenbâ tavat adre me hoibeny ka than a tuhok.

II. Samuela 21:10

Ke Rizepa momo nöku Aia ame hom mano ae gan nân me ulolo hobi kâu bi hon kic, hwân hnyi hnyimakan menu ke ne o but ame ta we hudrin ûnyi hnyi drany; ke e ame ca hna je meno ame gâ ethö he ka laba hudrin hnyi lany, me je menoiny hnyot hnyi lit.

I. Je Than 8:43

awe, u na long ju hnyi drany, a hnyabam, me ânyâ helâ me ta je ûnyi hia ame hawo u hnyin atkanyua; me me khana iâm tavat hia eang hmeledrany, he ka outö u, helâ me hna ânyâ hnen lakem a tavat Isaraela, me me khanʼ ödra a gʼ adre hwenyi ien uma eang wale oge ânyâ, me iâm bi.

I. Je Than 8:60

me me khana ta je hnyei hia thithö eang hmeledrany a Iehova thibi Khong; ke ba minya ju.

II. Je Than 19:19

Iehova lö, Khonguhmun, ö u omeli ohmun walang ang ûnyi hnyi hnyamen, me me khana ge je dökhu hia eang hmeledrany a u Iehova Khong, a u thibi.

II. Je Than 5:15

Me e ame hmetu ka aten Khong, e me anyin bunyen hia, me o, me tot hnyi hnyimakan: ke e ame ha, ka habe, Wâ bi, oge me wâ ju walang ang, ae ba Khong hnyi hmeledrany hia, ke hnyi Isaraela thibi: ke walang ang ö u hom dö bwihlany gak a athnyabaem.

Salamo 31:8

Ke u je ca hia but theling nya hnyin hnyamen iwahnaihmiony; U je hia but ip li cak hnyi dok ae gan.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Esodo 9:16

ke so bi e hnathu oge hia but otilö u, hnân he ka omanenâ köu manik man, me me lung iök hnyi hmeledrany hia.

Isaia 37:20

Iehova lö, Khonguhmun, walang ang ö u omeli öhmun dö ûnyi gan, me me khana hnen je dokhu hia eang hmeledrany a u thibi Iehova, a hake u ke.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 56:9

Ai öbun omenoiny ta hnyei he ka han, eke, öbun hia thithö omenoiny hnyot.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 34:20

awe, oge me he ka ham ödra ka hnyi hnyamen ta je iwahnaihmiony mödra, me ka tavat adre me elâm he ka hlingʼ ödra: ke ame he ta je unyidra ka hnân an ta je meno ame gâ, me ta je menoiny hnyot.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Daniela 3:29

Anyin a wale oge me otilâ hnanyibu, a haba tavat hia, me ta je hnyei, me je ve hwen hnyei, adre ne he ka ha ûnyi ae kong ge Khongu Saderaka, me Mesaka, me Abedenego, me adre me he ka subâ omomonu ödra, me wia umödrin je uma hnân digic thatûnyi: anyin ae ba ke khong ae khana he ka ûhomeli helâe.

Mataio 24:28

Haba hnen ta je komok, me wale dok ame ûkhacaköu ta je aeto hnyin.

Deuteronomi 28:26

Ke haba unyâm bi me an omeno hia ame gâ ethö, me omenoiny hnyot, ke ba at ame he ka alen.

Deuteronomi 7:2

ke e ka he Iehova Khongom ka hnʼ ödra hnyi hnyimâkâm; awe, u me he ka kuc ödra me ti ohiʼ ödra hia; u me ca he ka ûhihinyköu mödra, me betenge gadra:

Deuteronomi 7:23

Ke ame he Iehova Khongom ka hnʼ ödra köu, me okongu ödra ge hna okongoâ ae gan, ke ne o but adre ohiʼ ödra.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Josua 4:24

me me khana hnen tavat hia thithö eang hmelen ge hnyamö Iehova, ae hwege; mʼ adre, me he ka outö Iehova Khongubun nyiele balua.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 17:44

Ke haingen at Filisiti kö Davita, ka habe, Aiö u könya, me oge me he ka ham unyâm ka omeno ame gâ, me omenoiny hnyot.