I. Samuela 17:4 - Iaai Bible 1901 (New Caledonia)

⁴ Ke ame he but at ae nua hwegien ûnyi hnyi hna hunuma anyin at Filisiti, adre hwenyi ien Goliatha, at Gatha, haba ibeûen me siks je kubit ke khaca hnyam.

I. Samuela 17:4 ပူးပေါင်းရင်းမြစ်များ

I. Man Ûlabainy Je Than. 11:23

Ke e ame hlingâ ke at Aigupito, at ae beû hmâ, faiv kubit ibeûen; ke e hu hnyi hnyamen at Aigupito, ö helâ me man utoiny ûnyi hnân hwâwâ mano; me e ame he kâu me uci, me oc ut ö ûnyi hnyi hnyamen at Aigupito, me hlingâ e bi ge dân ö.

Amosa 2:9

Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.

Deuteronomi 3:11

(Anyin a haba Oga thaniny Basana, me hake e thibi kolon at Refai; wâ bi, haba hnen hna mokut, me fao; hawa ca e hnyi Raba taun anyin laku Amona? haba ibeûen e me nain ta kubit, ke foa kubit ûlauen, hoton kubitiny at.)

Josua 11:22

E ba but je at Anaka hnyi hnyei iny lakon Isaraela: ke hake hu kolon thiju bi hnyi Gaza, me Gatha, me Asedoda.

I. Samuela 17:23

Ke e ame tiga ûhnenamö mödrin, me wâ bi, ame o but at ae beönua hwegien, at Filisiti ûheny Gatha, Goliatha ien, ûnyi hnyi je vat anyin at Filisiti, me fuc helâ me hna labö ha: ke a long ut Davita.

I. Samuela 17:3

Ke haba at Filisiti adre me tot hon bucen hnyi ke keihen, kʼ ame tot at Isaraela hon bucen hnyi ke keihen; ke e bi thop hnyi wanbödra.

I. Samuela 17:5

Ke e ame bicâ hnabinybak bras, me khavâ ûkhaûen vat a fao; ke faiv thauzan je sekel bras ihmakiny ûkhaûen.

I. Samuela 27:4

Ke adre thumetu Saulo, ka habe, a kec ut Davita, Gatha ai, me e ame ca elâm hmetu.