I. Samuela 17:36 - Iaai Bible 1901 (New Caledonia)

³⁶ Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.

I. Samuela 17:36 ပူးပေါင်းရင်းမြစ်များ

II. Man Ûlabainy Je Than. 32:17

Me e ame sihnalimen je tusi minya, hnân bifuci Iehova Khongon at Isaraela, me he ka haikongoâ e, ka habe, Haba khongon aten je hnyei ödrin e ca omelö je atödrin ûnyi hnyi hnyamok, me helâe ame ca he Khongu Hezekia ka omelö je aten ûnyi hnyi hnyamok.

Isaia 10:15

Hawa, ame he gö ka ohobeluâ hon at ame nang e? ame he gili ka ogânâ e ka at ame obwebwelâ e? helâke hnen osö hna obwebwelâ at ame nang e, ke helâke hnen uci hna kap goranyai at a ca utö bi.

Isaia 36:15

ke haba khaca e so ame ca he Hezekia ka kunʼ öbun he ka labageju kö Iehova, ame ha, ka habe, Ame he Iehova ka omeli öta; ke ame ca he ka hna taun ang ka hnyi hnyamen than Asuria.

Isaia 36:18

Wâ wia wâ e nye he Hezekia ka iyâûʼ öbun, me ha, ka habe, Ame he Iehova ka omeli öbun. Hawa, e hu hna omelo tavat hnen je khongon je hnyei ûnyi hnyi hnyamen than Asuria?

Ezekiela 28:10

Me u me he bi ka mok helâ me imekiny tavat adre me ca peritomon, ge hnyamen ta je atkanyua: anyin oge hia but ha, haingen Than Iehova.

Ezekiela 32:19

U hmanenang hu ia? utut me tha mokut me tavat adre me ca peritomon.

Daniela 5:23

ke u je bi gan ka Thaniny drany; ke adre hia but hom je omjehen umen uma ka hnyi hnyimâkâm, ke u je hia but, ke ânyâm je taben, ke laâiâm, ke ânyâm je momo, ic waina kâu; ke u je hia but ogânâ je khong sileva, me gol, me bras, me fao, me uto, me veto, wale adre me ca bwele, me löng, me khana: ke haba Khong at ame muso homenâm, ke e unyin dem je gethen hia, me u je ca ogânâ:

Zakaria 12:3

Ke hnyi ûen eling oge me he ka wia Jerusalema hnân veto ae hmak ka tavat hia; haba tavat adre me ka kap goranyai, me adre me he ka aat bi; ke ame he ka ûkhacaköu ûcon ta je hnyeiny hia hmeledrany.

Zakaria 2:8

Anyin a walang hna ha hnö Iehova tuhan sabaoth, ka habe, E ame hia but kunö nya ka hnyi je hnyei iny tavat adre me sei öbun he ka hom hmanenang: anyin a haba at ame kalʼ öbun, me ame ka kâlâ wan emakan bi.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 17:10

Haingen at Filisiti, ka habe, Inya oge me humbasö je utbavat anyi Isaraela hnyi bong ang; kunâ jem könya ke at mʼ ohmu me he ka ûkûc.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:35

me oge me hnu, me kot, me omelö ûnyi hnyi hnyimen: ke e ame tot könya me oge me kât wainy, me kot, me hlingâ.

I. Samuela 17:37

Ke ame ha Davita, ka habe, haba Iehova at ame omeli nya ûnyi hnyi benyin liona me bea, me e ame he ka omeli nya ûnyi hnyi hnyamen at Filisiti eling. Ke haingö Saulo, ka habe, he thö, kʼ ame he Iehova ka tha e mou.

I. Samuela 18:17

Ke Saulo ame ha kö Davita, ka habe, Wâ bi nokuk hlu a atö jia Meraba, oge me he ka ham köu me âiâm: ke so bi u me he ka hwege bi singik, me vâtâ je vat anyi Iehova. Anyin a haingö Saulo, ka habe, E so e me ca kot e ge hnyamok, ke so bi hamen hnyamen at Filisiti he ka kot.

I. Samuela 31:4

Me Saulo ame ba ka at ame hom tilâ anyin ta je ûnyi vat, ka habe, Oc ut ânyâm hele vat me dâoi nya kâu; wâ e nye o but tavat adre ca peritomonâ me dâoi nya, me okongu nya. Ke ame höcö at ame hom tilâ anyin je ûnyi vat; anyin ae gan hmâ anyin ot. Me haba Saulo ame hom hele vat me hamen ta takoû e.