I. Samuela 17:34 - Iaai Bible 1901 (New Caledonia)
34 Me Davita ame ha kö Saulo, ka habe, Inya athnyabaem oge me tuö je mamoe hale cica; kʼ! ame ne o but liona ame ne bea, me hom ong mamoe ûnyi hnyi hnahat meno,
Ke haba Husai ame ha minya, ka habe, E khanö u hwakecin kâmâm me tavat unyin, a ödrin hnyat ae hwege, ke hmonyin je hnyekudrin helâ me bea adre hûgûnâ lakon hnyi hnyot: ke at vat kâmâm, ke ame ca he ka tha mokut me tavat.
Me Benaia nöku Jehoiada, nokon ke at ae hwege hnyi Kabezeela, at ame ânyâ je ûnyi ae gan, e ame hlingâ li laku Ariel at Moaba: ke haba hnyi hunainy kiona, me e ame utut ka hnyi thop me hlingâ liona:
Haba Benaia nöku Jehoiada nokon at ae hwege hnyi Kabezeela, at ame ânyâ je ûnyi ae gan, me e ame kot li laku Ariel a li at Moaba; ke e ame ut ka hnyi op me hlingâ ke liona eû hnyi wanben, wale hnyi ûen ae hu kiona.
Haba at tuö mamoe ame elam hnahat haleny hnyi ûen e ame tha e me hnahat haleny mamoe adre vese, helâe oge me he ka elâm halek hnahat mamoe, ke oge me he ka hum ödra ûnyi hnyi je dok hia waleji adre vese ka hnyin, hnyi bong ae khömet me menekholom.
Walang hna ha hnö Iehova, ka habe, Adre me he ka hûgûnâ lakon Isaraela tavat adre me laba hnyi Samaria hnyi kopiny hna mokut, helâ me at tuö mamoe ame hûgûnâ ûnyi hnyi hnyimen liona li can, ame ne ke keihen hnyikonyen.
Anyin a wâ bi, oge me he ka oâ at ame tuö mamoe hnyi hnyei, at ame ca he ka senʼ ödra wale adre subâ degecâ, ke e ame ca he ka elâm je mamoe adre ve se but, me ometo je aat; ke e ame ca he ka han je mamoe ae hwege, ke e ame he ka an viny ae pipikhenya, me kia amemâ je boûjimödrin.
Ke oge me he ka hom dren ûnyi hnyi hnyimen, ke ta je ûnyi ae ikiki e ame oloû; kʼ ame he biju ka kolon hobi kâu Khonguta: ke e ame he ka helâ me taben hnyi Juda, kʼ ame he Ekerona ka helâ me at Jebusi.
Ke haba meno oge me wâ, me helâ me lepad, ke haba je can me helâ me je can bea, ke haba hnyimen me helâ me hnyimen liona: ke drakona ame ham kâu maniny man, me anyin theron, me musi ae gan.
Me ame o hwegiâ kâu hanu Iehova, me e ame wahai e helâ me hna wahai nokon got, ke ba ûnyi hnyi hnyamen: ke e ame ca thumeto kamen me hinyen ge hnen hna ânyâ.
Ke haingö Saulo kö Davita, ka habe, E ca khanö u he ka he ûcon at Filisiti eling me vat mē: anyin a u thoth ke e at vat hwân e tiga thoth ke ne o but ang.