I. Samuela 17:32 - Iaai Bible 1901 (New Caledonia)

³² Ke Davita ame ha kö Saulo, ka habe, Ca he ke at ka ot gan; haba inya athnyabaem oge me he ka vat me at Filisiti ang.

I. Samuela 17:32 ပူးပေါင်းရင်းမြစ်များ

Salamo 3:6

Oge me ca he ka outen tavat a ten thuzan, Tavat adre me tot metâ könya igigilo.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Numera 13:30

Me haba Kaleba ame thawâ tavat hnyi hnyimakö Mose, me ha, ka habe, E so ötin e ie he me hûgûnâ; anyin ae khanʼ ötin he ka hwege hon.

Numera 14:9

Ke so bi ca he öbun ke ivinö me Iehova, ke ca he öbun ka outen tavat a idra hnyei; anyin a ödra areto bi hobi köhmun: kʼ adre hia but hom unyidra ûnyi hnân tuʼ ödra bi, ke e unyita Iehova: ca oûtʼ ödra.

Heberu 12:12

Anyin a wale hai thö je hnyam ame him, me je bouca ae mat;

Josua 14:12

Anyin a wale ham könya bucen eang, wale Iehova ame ha gan hnyi bong eling; auyin a u je long hnyi bong eling a ka eling at Anaka, me je taun ae gan adre up haginy: me ame ne he la Iehova ka tha e mönya, me oge me he ka obʼ ödrin helâ me Iehova ame ha.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 16:18

Me ame thu ke hidröu me ha, ka habe, Wâ bi, oge hia but wâ ke at nöku Jese, at Bethe-leema, ae khana ânyâ ûnyi khumöng, ke e at ae hwege hmonyin, me at vat, me metâ hnyi hwan je hofuc, ke e at ae hmanenang, ke e unyin Iehova.

I. Samuela 17:31

Ke a long ut tavat hofuc ho Davita, me ödrin e thumetu Saulo; me e ame hawâ.