I. Samuela 16:5 - Iaai Bible 1901 (New Caledonia)

⁵ Me haingen, ka habe, Oge me o hnyi ûsoköu he ka bi hut kö Iehova: okabi öbun dö, me tha he thö mönya ka hnyi bi hut. Ke e ame okabi Jese me lakon, me hawʼ ödrin he ka hnyi hanen hut.

I. Samuela 16:5 ပူးပေါင်းရင်းမြစ်များ

Genese 35:2

Ke Jekob ame ha ka anyin lap, mʼ ödra hia a tha e më, ka habe, Hna but ta je hnatheat kanyua unyibun, me obosoi öbun, me khaû ju öbun:

I. Je Than 2:13

Ke haba Adonia nöku Hagitha ame o kö Bathe-seba hinyö Solomona. Ke haingen momo ka habe, Hawa u me oâ hnahic? Haingen, ka habe, E ke.

I. Man Ûlabainy Je Than. 12:18

Me haba hanu ame o kö Amasai wale taben thote, haingen, ka habe, Davita lö, ohmun je atâm, me je lahiâm, nöku Jese lö: ûsoköu, ûsoköu köu, me ûsoköu ka tavat adre me hadruo u, anyin a Khongom ame hadruo u. Haba Davita ame kop ödrin me otilʼ ödrin hnân je taben vat.

Jobu 1:5

Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

Esodo 19:10

Ke Iehova ame ha kö Mose, ka habe, He thö ka tavat, me okabi odra hnyi bong ang, me bong nyi, kʼ adre me he ka hneû anyidra je ûkhaû:

Joela 2:16

ûkhacaköuâ thö tavat, okabâ thö ûkhacaköu, hawâ thö wahingat, ûkhacaköuâ thö ta je wanakat, me tavat adre me i: hamen at a tep faipoipo ka he ûnyi hnyi hnyeuleny, me hlu a tep faipoipo ûnyi hnyi ong hnyeuleny.

Zefania 1:7

Laba hnyibû ju hnyi hnyimakan Than Iehova: anyin ae hakekeny jut bong bongi Iehova: anyin a hia but Iehova penapena hut, me okabâ hnen je hna hawâ.

Numera 11:8

Ke haba tavat adre me ngenu me aoc, me oamamâ hnyi li veto, ame ne kokot e hnyin kumete, kʼ adre me thân hnyi öt, me up aretoiny, ke haba bunen me helâ me wakaco ae teb ûnyi, at ka drem.

I. Korinito 11:28

E so e he at ka bân ka elâm wia e bi, ke helâe e ame he ka an areto me ijem kaia.

Josua 3:5

Ke haba Josua ame ha ka tavat, ka habe, Okabi öbun dö, anyin a haba bong nyi me Iehova ame he ka ânyâ unyibun ta je ûnyi hnân lâiâ.

Josua 7:13

Höhöi thö me okabâ thö tavat, me ha, ka habe, Okabi öbun dö hobi kâu nyi: anyin a walang ame ha Iehova Khongu Isaraela, ka habe, Isaraela lö, e hu ûnyi adre nyiboâ unyâm: ke ca kbanö u he ka tot hnyi hnyimakan je iwahnaihmiony mou, ke ne o but öbun e hom degecâ ûnyi adre hake ip unyibun.

I. Samuela 20:26

Ke so bi e ba hofuc ho Saulo hnyi bong eling: anyin a haingen, ka habe, Ame ne o kâu ke ûnyi, ame ne ca bo so; eke, e ca bo so.