I. Samuela 16:16 - Iaai Bible 1901 (New Caledonia)

¹⁶ E so u me he, tnhömun, ka kunʼ ohmun a lathnyabaem hnyi hnyimâkâm he ka elâm at ae khana he ka kokot kitara: ke e ka o but köu hanu ae kong ûnyi ge Khong, me e ame he ka ânyâ ge hnyamen, me u me he ka so but.

I. Samuela 16:16 ပူးပေါင်းရင်းမြစ်များ

Genese 41:46

Ke thöte ta je hunai Josefa, hnyi ûen e ame tot hnyi hnyimakö Farao than Aigupito. Ke Josefa ame he ûheny ûnyi Farao, me vheno hnyei Aigupito hia.

I. Je Than 10:8

E hnahic ânyâm tavat, e hnahic lathnyabaem ang, wale adre tot bala hnyi hnyimâkâm, me long ânyâm metâ.

II. Je Than 3:15

Ke walang ang hom but könya ke at ame ânyâ ûnyi khumöng. Ke ame tiga ânyâ ûnyi khumöng, me ame o but kâu hnyamö Iehova.

I. Samuela 10:5

Ke hwaban e, u me he ka o ka hnyi dok ae hut anyin Khong, wale lap tue anyin at Filisiti: ke u ka hia but o ka hnyi taun, u me he ka ûkhanö me deö perofeta ödrin e utut ûheny ʼthö, ke e hnyi hnyimaködrin nabeli, me bwinybet, me utköwi, me kitara; ke ödrin e he ka hnyi perofeta:

I. Samuela 16:14

Me ame hia but he digic Saulo hnen hanu Iehova, me ame ohmakâ e hnen hanu ae kong ûnyi ga Iehova.

I. Samuela 16:15

Ke haba lathnyabai Saulo ödrin e ha kâu, ka habe, Wâ bi, ame ohmaki u walang ang hanu ae kong ûnyi ge Khong.

I. Samuela 16:17

Ke haingö Saulo ka lathnyabainy, ka habe, He thö ka elâm walang ang at ae khana wia ânyâ ûnyi khumöng, me hom jem könya.

I. Samuela 18:10

Ke nyi ame o but kö Saulo hanu ae kong ûnyi ge Kkong, ke e ame perofeta hnyi wanben umen uma: ke Davita ame kokot ge hnyamen helâ me ta je bong: ke e hnyi hnyamö Saulo ö.

I. Samuela 19:9

Ke e bi hnyi hu Saulo hanu ae kong ûnyi ga. Iehova, ke e ame laba hnyi umen uma, ke e hnyi hnyamen dân ö: ke Davita ame kokot ge hnyamen.