I. Samuela 16:12 - Iaai Bible 1901 (New Caledonia)

¹² Ke e ame ûkhûnöng, me hom e. Ke e dra makan, me hmanenang hnyimakan, me so ka wâ. Haba Iehova ame ha, ka habe, Todrö, hû but e: anyin ae at e.

I. Samuela 16:12 ပူးပေါင်းရင်းမြစ်များ

Genese 39:6

Me e ame hna biju anyin ta je ûnyi hia kö Josefa; ke ca khana e anyin ke ûnyi bi, ke so jeû e ame han. Ke so hmainy unyi Josefa, ke hmanenang ka wâ.

II. Samuela 23:1

KE walang je hofuc a biliny ho Davita, Haingö Davita nöku Jese, Ke ame ha at adre me ogöranyâ, At a hû hnen Khongu Jekob, Me at a ânyâ je khumöng ae hnebwia anyi Isaraela:

II. Samuela 7:8

Ke haba walang u me he ka ha helâe kö Davita athnyabaik, ka habe, Walang hofuc ho Iehova tuhan sabaoth, ka habe, Oge me hum u ûnyi hnyi haginy mamoe, a ûnyi hnyi hna tuö je mamoe, mʼ u me he ka musö lakeik a at Isaraela:

I. Je Than 1:34

me hamö Zadoka at bihut me Nathana perofeta, he ka hû e eling me me than bi hon at Isaraela: ke öbun e he ka tûâ trutru, me ha, ka habe, E so e möt bi than Solomona.

Salamo 2:2

Haba je tuhan hmeledrany adre me tet metâ, Ke ame tha ûsabö je taben, He ka hagutö Iehova me at e ame hû me haingödra, ka habe,

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 78:70

E ame ûca minya Davita me me athnyabainy, Kʼ ame hom but e ûnyi hnyi je haginy mamoe:

Esodo 2:2

Kʼ ame erkin dut momo me hnokoâ da: kʼ ame wâ momo a e so, me e ame ikhâlâ but hnyi kun ta tehi.

Khumöng Hwanyi Solomona. 5:10

E hau me dra oûnykûmik, E beönua bon ta je ten thauzan.

Je tenge anyi Jeremi 4:7

Ame alae but anyin je taben hon kiona, ke hau hon debai, E hngihngidra je ûnyidra hon je penina, haba ûhadröngöcidra helâ me safairo:

Zakaria 4:14

Ke haingen, ka habe, Wale li lakon wakaco, a li at ödru me tot hnyi hnyimakan Thaniny hmeledrany hia.

Ta je huliwa 4:27

E hnathu adre hia but ûkhacaköu hnyi taun ang Heroda me Ponetio Pilate me Aten ke je hnyei me at Isaraela, je ûcon Atâm ae kap a Iesu at u je hû,

Ta je huliwa 7:20

Wale ûen adre me hnöku Mose hnyin, e wanakat ae hmanenang; ke adre hat e hnyi uma umen kamen kun ta tehi:

Heberu 11:23

Hnen labageju haba kamö Mose me hinyen, ödru me ikhâlâ e hnyi kun ta tehi hwaban hna hnokoâ e, anyin a ödru me wâ a e wanakat ae so; ke ödru me ca outen hnanyibu anyin than.

I. Samuela 16:18

Me ame thu ke hidröu me ha, ka habe, Wâ bi, oge hia but wâ ke at nöku Jese, at Bethe-leema, ae khana ânyâ ûnyi khumöng, ke e at ae hwege hmonyin, me at vat, me metâ hnyi hwan je hofuc, ke e at ae hmanenang, ke e unyin Iehova.

I. Samuela 17:42

Ke ame bwele at Filisiti me ô Davita, me e ame oûnyibâûâ e; anyin a e tiga thöth, ke hngihngidra, me hmanenang hnyimakan.

I. Samuela 17:55

Ke hnyi ûen Saulo ame ô Davita ame he ka ûkhanö me at Filisiti, me e ame ba kö Abinera taben anyin vat, ka habe, Abinera lö, nöku ia hidröu e? Haingö Abinera, ka habe, Kia inya than ae ca khanö nya.

I. Samuela 9:17

Ke Samuela ame ō Saulo me Iehova ame ha kâu, ka habe, Wâ bi at waleji oge ha köu! a at ame he ka muso lakeik.