I. Samuela 16:11 - Iaai Bible 1901 (New Caledonia)

¹¹ Me haingö Samuela ko Jese, ka habe, Hawa, e ba minya lakom! Me haingen, ka habe, Khaca biju, wale wakeiat hmonyin ke, wâ bi, e ame tuö je mamoe. Ke haingö Samuela kö Jese, ka habe, Ûkhûnöng do he ka hom: anyin a ötin e ca he ka laba ju ke ne o but e ame o thö.

I. Samuela 16:11 ပူးပေါင်းရင်းမြစ်များ

II. Samuela 13:3

Ke e hu ihumi Aminona, Jonadaba ien, nöku Simea, liamekeiny me Davita: ke at metâ Jonadaba.

II. Samuela 7:8

Ke haba walang u me he ka ha helâe kö Davita athnyabaik, ka habe, Walang hofuc ho Iehova tuhan sabaoth, ka habe, Oge me hum u ûnyi hnyi haginy mamoe, a ûnyi hnyi hna tuö je mamoe, mʼ u me he ka musö lakeik a at Isaraela:

I. Man Ûlabainy Je Than. 17:7

Anyin a wale, u me he ka ha walang ang kö Davita athnyabaik, ka habe, Walang hofuc ho Iehova tuhan sabaoth, ka habe, Oge me hum u hnyi haginy mamoe, ûhem hnyi hna hnu hoton je mamoe, mʼu me taben lakeik a at Isaraela:

Esodo 3:1

KE haba Mose ame tuö hnahat mamoe hale Jethero a ûngon, at bihut e Midiana; kʼ ame alen hnahat mamoe ka hnyi hoton hnyebuba, me o ka hnyi bucen anyin Khong, wale Horeba.

I. Samuela 16:10

Ke Jese ame ve kunâ lakon a seven he ka he hnyi hnyimakö Samuela. Me Samuela ame ha kö Jese, ka habe, Iehova ame ca ûca hnyat eang.

I. Samuela 17:28

Ke haba Eliaba a tuhan ame long hnyi ûen e ame ûhnenamö me tavat; kʼ ame ubâhlâ hmonyin anyi Eliaba kö Davita me e ame ha, ka habe, U je o eang kâ ieû? me u je hna kö ia je ong mamoe hnyi hnyebuba? Oge me wâ bi gan gam, me hnyekom ae monu; anyin a u je he jem he ka hnyi wâ vat.