I. Samuela 16:1 - Iaai Bible 1901 (New Caledonia)

¹ HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 16:1 ပူးပေါင်းရင်းမြစ်များ

I. Je Than 8:16

Hwân hnyi bong waleji oge me hom lakeik a at Isaraela ûheny Aigupito, me oge me ca ûca ke taun ûnyi hnyi je tribu hia anyin at Isaraela he ka op uma, mʼ adre me ip eling iök; ke oge me ûcö Davita he ka musi hon lakeik a Isaraela.

II. Je Than 9:1

KE haba Elisaia perofeta ame hawâ ke at hanen lakon je perofeta me ha kâu, ka habe, Hûkâlâ ju wen hnyâm, ke hom tap wakaco eang hnyi hnyâmâm, me he Ramothi-Gileada ai.

II. Je Than 9:3

Me hom dö wakaco me i hingâlâ hon ban me ha, ka habe, Walang hna ha hnö Iehova, ka habe, Oge hia but hû u hnân than Isaraela. Ke u ma khong ut hwanuma me kec, ke ca bec bi.

II. Je Than 9:6

Me e ame todrö me dit ka hnyin uma; ke e ame hingâlâ wakaco hon ban me ha kâu, ka habe, Walang hna ha hnö Iehova, Khongu Isaraela, ka habe, Oge hia but hû u hnân tuhan lakei Iehova, wale Isaraela.

I. Man Ûlabainy Je Than. 11:3

Me ame o but wahingatiny Isaraela hia thithö ka than hnyi Heberona; ke Davita ame ûhihinyköu mödrin hnyi Heberona hnyi hnyimakö Iehova; ke ödrin e hû Davita me hnân thaniny Isaraela, hoton hofuc ho Iehova a deny Samuela.

I. Man Ûlabainy Je Than. 28:4

Ke so bi haba Iehova, Khongu Isaraela, ame ûco nya ûnyi hnyi lap hia anyi cica mʼ inye than Isaraela nyiele balua; anyin a e ame ûco Juda me hnân at musi; me lap anyi cica ûnyi hnyi lap anyi Juda; kʼ ame senyin gak unyin laku cica, mʼ inye than Isaraela hia:

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Jeremia 11:14

Anyin a wale, u me ca he ka hijö tavat ang, ke u me ca he ka tenge me hic hobi kodra: anyin oge me ca he ka löng kodra hnyi ûen adre me he ka hawo nya hnyin hnyi anyidra vec.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Jeremia 6:30

Adre me he ka hwenyi iödra sileva adre degec, anyin a hia but Iehova digic ödra.

Jeremia 7:16

Anyin a wale u me ca he ka hije tavat ang, ke ca ogöranyâ tenge me hic hobi kodra, ke ca khöu bi könya: anyin oge me ca he ka ling u.

Zakaria 4:14

Ke haingen, ka habe, Wale li lakon wakaco, a li at ödru me tot hnyi hnyimakan Thaniny hmeledrany hia.

Roma 15:12

Ke wale hmetu ang, haingö Isaia, ka habe, Ame he ka hu iwân ûnyi ga Jese, Ke at ame tot he ka muso Aten ta je hnyei; Ame he ka labageju kâu hnen Aten ta je hnyei.

Heberu 11:32

Ke ieû hmetu oge me he ka ha? anyin ae ca ûcû bi ûen könya he ka haiö Gideona, me Baraka, me Samasona, me Jefetha, me Davita, me Samuela me ta je perofeta:

I. Ioane 5:16

A ne ke at ame wâ liamekeiny më ame ânyâ hulo adre me ca mekiny, me e ame he ka sumâtâ, ke Khong ame he! ka ham kâu möt hobi kâu at ame ânyâ hulo a ca hnân mekiny. E hu hulo hnân mekiny: oge me ca ha a e ame he ka khöûâ e.

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.

I. Samuela 15:26

Haingö Samuela kö Saulo, ka habe, Oge me ca he ka tha hmetu mou: anyin a u je hia but hna degecâ hofuc ho Iehova, ke Iehova ame digic u, me u me ca he ka than ka at Isaraela.

I. Samuela 15:35

Ke ame ca o hmetu Samuela kö Saulo ke ne o but hnyi bong e ame mokcu hnyin: ke Samuela ame tengiö Saulo; ke Iehova ame ietra hna otilö Saulo ka thaniny at Isaraela.

I. Samuela 16:15

Ke haba lathnyabai Saulo ödrin e ha kâu, ka habe, Wâ bi, ame ohmaki u walang ang hanu ae kong ûnyi ge Khong.

I. Samuela 16:23

Ke hnyi ûen ame o but kö Saulo hanu ae kong ûnyi ge Khong, me haba Davita ame hom kitara me ânyâ ge hnyamen: me ame menâ Saulo, me so, me ame hia unyin hanu ae kong.

I. Samuela 17:12

Ke haba Davita, me nokon at Eferatha, adre hwenyi ien Jese, at Bethe-leema-juda; ke eit lakon obaga: ke e at ae hingat ut hnyi je bong bongu Saulo, ke e hingat ae hnathu unyidra.

I. Samuela 9:16

haba nyi hnyi ûen helâng, oge me he ka kunâ köu ke at ûnyi hnyi hnyei Beniamina, ke u me he ka hû e, me me taben lakeik at Isaraela, me e ame he ka omelö lakeik ûnyi hnyi hnyamen at Filisiti: anyin a oge hia but wâ lakeik, kʼ ame o but könya anyidra mâng.