I. Samuela 15:32 - Iaai Bible 1901 (New Caledonia)

³² Me ame ha Samuela, ka habe, Hum Agaga thö jem könya, thaniny at Amaleka. Ke Agaga ame he hmecik kâu. Ke haingö Agaga E hnathu e hia but hinyin mok.

I. Samuela 15:32 ပူးပေါင်းရင်းမြစ်များ

Jeremia 48:44

Haba at ame kec ge ot, e ame he ka ta ka hnyi thop; ke haba at ame ölö ûnyi hnyi thop, ame he ka hnok hnyi hnewe; anyin oge me he ka oâ kâu, jia Moaba, huna adre senʼ ödra hnyin, haingö Iehova.

Hosea 6:5

Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

Josua 10:22

Ke Josua ame ha, ka habe, Khong uthnyimen op, ke hom jem könya je than eling a thabûng ûnyi hnyi op.

Hna Omanenâ 18:7

E gan hmâ hnen hna hamen ogânâ e bi, me ka osenyinâ unyin, awe, ânyâ thö kâu helâe ge vec me hlöuhlöu: anyin a haingen eû hnyi hnyekon, ka habe, Inya oge me laba a momo than, kʼ iny ca safac bi, ke oge me ca he ka wâ hlöuhlöu.

Owisa 8:11

Ke haba Gideona ame ölö thö hnyi gethen deny tavat adre me laba hnyi je uma mano hnyi ke keihen e deiö Noba me Jogeba, me hlingâ je utbavat; anyin ame laba hmâ vat eling.

I. Samuela 15:31

Me Samuela ame hmetu hotu Saulo; ke Saulo ame khudrung kö Iehova.

I. Samuela 15:33

Ke Samuela ame ha, ka habe, Hnen ânyâm hele vat hna öba nokon je momo, helâe adre me he ka öba nokon hinyâm unyin je momo. Ke Samuela ame susubö Agaga hnyi hnyimakö Iehova hnyi Gilegala.