I. Samuela 15:19 - Iaai Bible 1901 (New Caledonia)

¹⁹ Ke ieû gam a u je ca long hofuc ho Iehova, ke u je gâ he ka hom ta je hna hûgûnâ, me ânyâ ûnyi ae kong hnyi hnyimakö Iehova?

I. Samuela 15:19 ပူးပေါင်းရင်းမြစ်များ

II. Samuela 12:9

Ieû gam u je hia but höciâ hofuc ho Iehova he ka ânyâ hulö hnyi hnyimakan? u je hia but kuc Uria at Heth ge hele vat, me hom âiân me âiâm, ke u je hlingâ e ge hele vat anyin lakon Amona.

II. Man Ûlabainy Je Than. 33:2

Ke e ame ânyâ ûnyi ae monu hnyi hnyimakö Iehova, helâ me hwakecin ae ikiki anyin je wanaithila waleji a obâ Iehova hnyi hnyimakan lakon Isaraela.

II. Man Ûlabainy Je Than. 33:6

Ke e ame kunâ minya lakon he ka he hnyi wanben meic hnyi hnyigöulen bucen anyin nöku Hinom, me e ame bihihwakecin, me biobotkong, me bi khong, me elâm unyin tavat ae tren biobotkong, me tavat bi khong: e gan hmâ hulo e ame ânyâ hnyi hnyimakö Iehova, me ohmönyinâ e.

II. Man Ûlabainy Je Than. 36:12

me e ame ânyâ ûnyi ae kong hnyi hnyimakö Iehova Khongon; e ame ca oûhnyûkongo e bi hnyi hnyimakö Jeremia a perofeta at ame fuc ûnyi ga Iehova.

Ta je Vejec 15:27

Haba at ame behnyekon omjeû, me ame omonumonoâ anyin bi lap: Ke ame he ka möt at ame hûkotiâ ta je bwihlany.

Jeremia 7:11

Hawa, op umen tavat venöu hnyi hnyimaköbun uma eang wale adre ip hon e iök? Wâ bi inya oge wâ but, haingö Iehova.

Numera 14:41

Ke Mose ame ha, ka habe, Ieû gabun öbun e hanyâûâ hnanyibu anyi Iehova, kʼ ame ca he bi ka hwâdâ?

II. Timoteo 4:10

anyin a hia but Dema hna degeci nya, kʼ ame hnyokâ hmeledrany, ke ame he but Thesalonika ai; ke Kerese ame he but Galatia ai, kʼ ame he but Tito Dalamatia ai.

I. Samuela 14:32

Ke ame gâ but tavat ka sei, me hom je mamoe, me je bolok, me je nokon kau, me hlingâ eû hnyi kânâ: ke tavat ödrin e tha han je meno me dren.

I. Samuela 15:20

Ke Saulo ame ha kö Samuela, ka habe, Ohe, oge hia but löng hofuc ho Iehova, ke oge me vheno gethen wale a kunö nya hnyin Iehova, ke oge hia but hum Agaga thaniny at Amaleka, ke oge me hia but ti ohia at Ameleka.