I. Samuela 15:17 - Iaai Bible 1901 (New Caledonia)

¹⁷ Haba Samuela ame ha, ka habe, Eja ke ne u je ne at ae ûhnyûkong ehac, hawa, adre ca hum u hnân homakan je tribu Isaraela? Me Iehova ame hû u mʼ u me thaniny at Isaraela;

I. Samuela 15:17 ပူးပေါင်းရင်းမြစ်များ

Hosea 13:1

AME fuc Eferaima, me ame öbubuny ehe; ke e ame ka ogânâ e hnyi Isaraela: ke e ame hulo but ga Baala, me ame mokcu.

Mataio 18:4

Anyin a wale, haba at ame he ka oûhnyûkongoâ e bi helâ me wanakat ang, wale bi e at ae gan hmâ hnyi dokhon drany.

Owisa 6:15

Ke e ame ha kâu, ka habe, Tuhok lö, oge me he ka omelö at Isaraela hnen ieû? wâ bi, haba anyik lap wale ae ûnyi baû hmönyin hnyi Manase, ke iny ûhnyûkong hmönyin hnyi hnyaba cica.

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 10:22

Anyin a wale adre me elâm hmetu unyi Iehova, hawa, e tiga hu ke at biju ame he ka he jem? Me Iehova ame thu, ka habe, Wâ bi, e ame lubaduöng hnyi je thatûnyi.

I. Samuela 15:16

Me haba Samuela ame ha kö Saulo, ka habe, Me todru, me oge me he ka thumetu u ga hofuc a ha könya Iehova eja hnyinghet. Me haingen, ka habe, ha thö.

I. Samuela 9:21

Me Saulo ame thu, ka habe, Hawa, ca at Beniamina bi nya, wale ae ûhnyûkong hnyi je tribu hia anyin at Isaraela? ke ûhnyûkong hmonyin anyik lap hnyi je lap hia hnyi tribu Beniamina? ieû gam u me ha helâe könya?