I. Samuela 15:13 - Iaai Bible 1901 (New Caledonia)

¹³ Ke ame o but Samuela kö Saulo: ke Saulo ame ha kâu, ka habe, E so u hnahic ga Iehova: ke oge hia but ânyâ ûnyi a hûna ga Iehova.

I. Samuela 15:13 ပူးပေါင်းရင်းမြစ်များ

Genese 14:19

Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany:

Genese 3:12

Haingö Adamu, ka habe, Haba momo u je hna könya me me tha e mönya, e ame ham könya ûnyi hnyi ûö, me oge me hnyi han.

II. Samuela 2:5

Haba Davita ame ûkhû-nöng ka at Jabesi-gileada, me ha ködrin, ka habe, E so öbun e hnahic ut ga Iehova anyin öbun e omanenâ ibetengiö e ka tuhöbun a Saulo, me konâm e.

Ta je Vejec 27:2

E so ame he ke at he ka haisoi u, ke ca hing hnyimâm bi; Ke hnen atkanyua, ke ca hnen esongodâm bi.

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Ta je Vejec 30:13

E hu dö ae gorany hmonyin je emakodra, Ke ti gorany dö je bademaködra.

Ta je Vejec 31:31

Ham but ka momo wan li hnyamen; Ke hamen ta je huliwa anyin momo he ka ogânâ e hnyi je homagöule.

Luka 17:10

Helâe minya öbun, öbun ka hia but mâdrâ ta je ûnyi adre hûna köbun, ha thʼ öbun, ka habe, Öhmun ang je athnyaba ae ba troban; öhmun e hia but mâdrâ thibi hanymöhmun he ka mâdrâ.

Luka 18:11

Haba Faresaio ame tot me hijö e bi helâng, ka habe, Khong lö, inya oge me ole köu, anyin a iny ca ûcû bi me keihen, a tavat venöu, me hwali hwakecidra, me tavat bi ûnyi monu, kʼ iny ca ûcû minya bi me telona ang.

Owisa 17:2

Ke e ame ha ka hinyen, ka habe, Haba je sileva a eleven haded adre hom unyâm, wale u je û-hangö gan, me fuc gan hnyi li hnyekönyök, wâ bi, e unyik; oge hom. Me ame ha hinyen, ka habe, E hnahic ut nokuk ûnyi; ga Iehova.

Rutha 3:10

Me e ame ha, ka habe, E so u hnahic nokuk ga Iehova: e beönua ânyâm betenge walang ang hnyi obiny, hon ehac hnyi hwân, anyin a u je ca hnu hoton je hidröu, ame me ca tren omjeû, kʼ ame ne tren ta ûnyi.

I. Samuela 13:10

Ke e tiga um dö hudo hudiny leû, wâ bi, ame o thö Samuela; ke Saulo ame he ka ûkhanö mē me me iouny mē.

I. Samuela 15:11

Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.

I. Samuela 15:20

Ke Saulo ame ha kö Samuela, ka habe, Ohe, oge hia but löng hofuc ho Iehova, ke oge me vheno gethen wale a kunö nya hnyin Iehova, ke oge hia but hum Agaga thaniny at Amaleka, ke oge me hia but ti ohia at Ameleka.

I. Samuela 15:9

Ke Saulo me tavat ödrin e omeli Agaga, me je mamoe ae so, me bolok, me je meno ae pipikenya, me je nokon mamoe, me ta je ûnyi hia ae so, ke ca wedrin he ka tha ohia ta je ûnyi e: ke haba ta je ûnyi hia ae kong me ûnyi baû adre me tha ohia.

I. Samuela 23:21

Me haba Saulo ame ha, ka habe, E so öbun e hnahic ûnyi ga Iehova; anyin a öbun e betenge gak.

I. Samuela 25:14

Ke haba ke hidröu ame thumetu Abigaila öiö Nabala, me ha, ka habe, Wâ bi Davita ame kunâ tavat ûheny hnyi hnyebuba he ka iouny so me tuhötin; me e ame û ödrin.