I. Samuela 15:12 - Iaai Bible 1901 (New Caledonia)

¹² Ke ame vesâkong Samuela he ka ûkhanö me Saulo hnyi hnyomakatu: ke adre me thumetu Samuela, ka habe, A o thö Saulo hnyi Karemela, ke wâ bi e ame otilâ haten hobi kâu, kʼ ame hwio thö, me he but, me utut Gilegala ai.

I. Samuela 15:12 ပူးပေါင်းရင်းမြစ်များ

Genese 21:14

Me Aberahama ame vesâkong, me hok areto me kaia ae lup, me ham kö Hagara, me ip hon bajebenyin, me wanakat minya, me kunâ but momo: kʼ ame he but me he monu hnyi hnyebuba Bere-seba.

II. Samuela 18:18

Ke e ka tiga möt bi Abasoloma e ame hia but hom me otilâ hobi kâu bi veto ame tot, wale hnyi thop anyin than: anyin a haingen, ka habe, E ba nökuk baga me me oûnykûmeâ iök: ke e ame hwenyi ien e ge ien bi: ke adre me labö ha e, ka habe, hnân ûnykûmi Abasoloma, ke ne o but hnyi bong ang.

II. Samuela 23:35

me Hezerai at Karemela, me Paarai at Araba;

I. Je Than 18:42

Me Ahaba ame he me han me ic. Ke Elia ame ölö ka hnyi ban Karemela; ke e ame ta ju hnyikânâi, me hnyimakan ka hnyi li boucan.

II. Man Ûlabainy Je Than. 26:10

Ke e ame op je tap ae beû goranyai hnyi hnyebuba, me khû je an ae se hia, anyin ae se hia haleny je meno; helâe minya hnyi hnyei ae hnyikânâ, me dok ae tha hon: ke e hu gan tavat belök me ânyâwia vine hnyi je bucen, me hnyi Karemela; anyin a e at ae bebelök.

Josua 15:55

Maon, me Karemela, me Zif, me Juta;

I. Samuela 13:12

anyin a wale oge me ha, ka habe, Ame he ka utut walang ang at Filisiti könya hnyi Gilegala, kʼ iny tiga ca hia but sumâtâ ibetengiö anyi Iehova: can e oge me ohwegiâ hnyekuk me hudo hudiny leû.

I. Samuela 13:15

Ke Samuela ame tot me he Gibea ai hnyi Beniamina ûheny Gilegala. Ke Saulo ame aû tavat unyin, ke helâke siks haded.

I. Samuela 17:20

Ke Davita ame vesâkong, me hna je mamoe ka at ame tuö, me hom je ûnyi me he, helâ me Jese ame hûna kâu; ke a ame o but hnyi hnen je kât kʼ ame tiga he ka hnyi vat je utbavat ke ödrin e tiga sue.

I. Samuela 25:2

Ke e hu ke at hnyi Maon, ae tren ta ûnyi hnyi Karemela; e bi at ae ûnyi hnathu, ke kun ta thauzan haleny je mamoe, ke khaca thauzan je got: ke e ame tiga subâ leûnen halen je mamoe hnyi Karemela.

I. Samuela 7:12

Ke Samuela ame hom ke veto, me otilâ wanben Mizepa me Seni, me hwenyi ien Eben-eza, haingen, ka habe, Iehova ame hadruʼ ota ke ne o but eang.