Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I. Samuela 15:11 - Iaai Bible 1901 (New Caledonia)

11 Inya oge me ietra hnok hna otilö Saulo me than: anyin a e ame hmetu but ûnyi hnyi hnen hna he hotuk, ke e ame ca ânyâ hnok je hna hûna. Me ame hmönyi Samuela; me tenge kö Iehova hnyi hnyinghet hia.

အခန်းကိုကြည့်ပါ။ ကော်ပီ




I. Samuela 15:11
44 ပူးပေါင်းရင်းမြစ်များ  

Ke Iehova ame ietra a gʼ ame hia but op at eang hmelen, ke e hmak ut hnyekon.


Ke Iehova ame ha, ka habe, Oge me he ka ohia at waleji oge hia but op, ûnyi hnyi kânâ; wale at, me menoiny hnyot, me ûnyi ame iyâû, me meno ame gâ ethö; anyin a khenyi but hnyekuk ge hnök hna up ödra.


Ke hnyi ûen ame he angela ka lau hnyamen hon Jerusalema he ka okongoâ, me haba Jehova ame ietra kong eling, me ba ka angela at ame ohia tavat, ka habe, Soju; kât ju hnyamâm. Ke ame tot angela anyi Iehova hnyi hna huje hwit anyi Aruna at Jebusi.


Ke haba Iehova ame hmöyin kö Solomona can hna wia hnyekon ga Iehova, Khongu Isaraela, wale a olo omanenâ e bi kâu,


Helâe ame mokcu Saulo can anyin monu wale a ânyâ kö Iehova, waleji a ca long hoton hofuc ho Iehova; ke khaca, anyin a e ame elâm unyin at ae tren biobotkong, me hnei;


Ke Khong ame kunâ angela Jerusalema ai he ka ohia e: kʼ ame tiga he ka ohia, me haba Iehova ame wâ, me ietra ûnyi ae kong, me ha ka angela at ame ohia, ka habe, Soju, thu hmetu ju benyâm. Ke ame tot angela anyi Iehova hnyi hna huje hwit anyi Aruna at Jebusi


Anyin a ödrin e degec hmeto e, Me ca ûnykûme bi deny je gethen:


Adre me iwahnaihmiony mönya hwaban anyik betenge: Ke haba inya oge mo hic.


Iehova a hia but khemanyin, kʼ ame ca he bi ka ietra, ka habe, U thibi at bihut nyiele balua helâ me hwakeci Melekisedek.


Ta je di ame hingölö hnyi li emakök, Can adre me ca tuö ânyâm ta je hnanyibu.


Ke haba tavat adre me saû ka hnyi ta je gethen ae hwali, Ame he Iehova ka hum ödra he ka tha he me tavat adre me ânyâ hulo. E so e e hon Isaraela hnahic.


E kong me iyawö ta je hofuc ûnyi hnyi hnyimen: E ame ca metâ hmetu me ânyâ so.


Ke adre me hmetuhmetu me cubec Khong, Me haiûhnyûkongoâ At ae Kap anyi Isaraela.


Ke adre me hmetuhmetu me iyâwâ helâ me lakamödra: Adre me saû but helâ me cafana ame onua.


Ke Mose ame khöu kö Iehova a Khongon, me ha, ka habe, Iehova lö, geû ame he ka ubâhlâ gan ânyâm hmönyin ka je lakem waleji u je hom ûnyi hnyi hnyei Aigupito ge man ae gan me hnyam ae hwege?


Ke haba Iehova ame ietra monu, wale e ame ha he ka ânyâ ka lakeiny.


Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.


Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.


ke so bi öbun e hwio hmetu me okongoâ iök, me ve ohmeto je athnyaba obaga me omomo, waleji öbun e hna baûâ hoton wedra; ke öbun e musi ödra, he ka bi athnyaba obaga me omomo.


E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!


mʼ adre me ie tenge thungaû gata, me me hingölö je deköiö hnyi je emaköta, me khukhula köiö ûnyi hnyi je bademaköta.


Ke ame ne hmetu at ae wisa ûnyi hnyi anyin hwakecin ae wisa, kʼ ame ânyâ bi hulo, kʼ ame ânyâ hia je ûnyi ae ikiki wale ame ânyâ at ae kong, hawa, e ame he bi ka möt? Haba ta je hwakecin hia ae wisa waleji e ame ânyâ, me adre me ca he hmetu ka ha: ke haba anyin monu waleji e ame monu hnyin, ke anyin hulo waleji e ame hulo hnyin, me e ame he ka moko.


Haba Iehova ame ietra ûnyi e: Ame ca he ka hwâdâ haingo Iehova.


Ke a wâ but Khong anyidra je huliwa, a adre me hwio ûnyi hnyi dedra ta je gethen ae kong; me haba Khong ame ietra ûnyi ae kong wale a ha he ka ânyâ kodra; ke e ame ca ânyâ bi.


Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.


ke tavat adre me hmetu unyi Iehova; ke tavat adre me ca elöm Iehova, me ca hnö e.


Ke haba at ame he ka tethmâ ke ne o but obiny, me e ame he ka möt.


ke oge me ha bi nya köbun, ka habe, Betenge ju ge je iwahnaihmiony möbun, ke hic ju hobi kâu tavat adre me oveci öbun;


Hnyi ûen eling, e ame he ka hnyi bucen he ka hic; ke e ame hic ka Khong hnyi lit hia.


Ke ame he ka möt atök ae wisa hnen labageju: Ke ame ne hmetuhmetu but, me ame ca he bi hnyekuk ka senyin kâu.


Walang hofuc hwan ûkhacaköu hia anyi Iehova, ka habe, Ie ûnyi ang ae kong öbun e ânyâ ka Khongon at Isaraela, möbun e hna hota but Iehova, wale öbun e otilâ taben hut hobi köbun, me khikhin ga Iehova hnyi bong ang?


Ke haba inya bi, ö iny ca he ka monu kö Iehova, he ka degec hiji öbun: ke oge me he ka nʼ öbun ge gethen ae so me wisa.


Me Samuela ame ha kö Saulo, ka habe, E monu ûnyi u je ânyâ: u je ca tuö hnanyibu anyi Iehova Khongom, waleji e ame huna köu: ame we Iehova ka ohmâ dokhom dökhu hnyi Isaraela nyiele balua.


Me ame o hofuc ho Iehova ko Samuela, ka habe,


Ke he thö walang ang, me kuc Amaleka, me tha ohia anyidrin ta je ûnyi hia, ke ca he ka betenge gadrin: ke so bi kot hia thö obaga me omomo, je mendreng me at ame i, je bolok me mamoe, je kamela me asina.


Ke ame ca o hmetu Samuela kö Saulo ke ne o but hnyi bong e ame mokcu hnyin: ke Samuela ame tengiö Saulo; ke Iehova ame ietra hna otilö Saulo ka thaniny at Isaraela.


Ke Saulo me tavat ödrin e omeli Agaga, me je mamoe ae so, me bolok, me je meno ae pipikenya, me je nokon mamoe, me ta je ûnyi hia ae so, ke ca wedrin he ka tha ohia ta je ûnyi e: ke haba ta je ûnyi hia ae kong me ûnyi baû adre me tha ohia.


HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.


Ke e kong kö Samuela, hnödrin hna ha, ka habe, Ham dö kohmun than he ka owisa kohmun. Ke Samuela ame hic dö kö Iehova.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ