I. Samuela 14:6 - Iaai Bible 1901 (New Caledonia)

⁶ Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 14:6 ပူးပေါင်းရင်းမြစ်များ

II. Samuela 1:20

Ca he ka thumetoâ hnyi Gatha, Ca he ka khetâ e hnyi je getheniny Asekelona; Wâ e nye senyin wahlu lakon at Filisiti, Wâ e nye hobâ wahlu lakon tavat adre ca peritomonâ.

II. Samuela 16:12

Ke ame ne be Iehova ka wâ hna okongu nya, me me he Iehova ka bi hwaban so könya hwaban hnen hna hangö nya hnyi bong ang.

II. Je Than 19:4

Ame ne he Iehova Khongom ka long la je hofuc hia ho Rabesake, wale a kunâ than Asuria a tuhan he ka haikongoâ Khong ae möt, ke e ame he ka thawâ je hofuc a long Iehova Khongom: anyin a wale hic dö hobi kâu je kolon.

II. Man Ûlabainy Je Than. 14:10

Ke haba Asa ame he but he ka ûkhanö më, me ödrin e otilâ metâ vat hnyi hnyigöulen bucen Zefatha hnyi Maresa.

II. Man Ûlabainy Je Than. 14:11

Haba Asa ame tenge kö Iehova Khongon me ha, ka habe, Iehova lö, e ba at ke u thibi he ka hadruâ, wanben at ae hwege, me at ae ba maniny: Iehova lö, Khonguhmun, hadruʼ ohmun; anyin ohmun e labageju köu, ke ûnyi hnyi iâm ohmun e hia but o ka tavat ang ae se. Iehova lö, u thibi Khonguhmun; e so e ca he at ka hwege hom.

Salamo 135:6

Haba ta je ûnyi hia ame we Iehova, me ame hia but ânyâ, Hnyi drany ethö, me hmeledrany, me eû hnyi köiö, me je dok hia ae dit.

Jeremia 9:23

Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Jeremia 9:25

Wâ bi ame he ka o je bong, haingö Iehova, ke oge me he ka tha bi hwaban ka tavat adre me peritomonâ hnyi hna ca peritomoni ödra;

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Zefania 2:3

Elöm Iehova thʼ öbun hia tavat ae ilemuk hnyi hnyei, tavat adre ânyâ hnen hna owisa; elâm dö hwakecin ae wisa, elâm dö menyik: adre me ne he ka ikhölʼ öbun hnyi bonginy hmonyin anyi Iehova.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Numera 10:32

Ke u je ne tha he möhmun, me haba so ame he Iehova ka ânyâ köhmun, me ohmun e he minya ka ânyâ helâe köu.

Numera 31:4

Ke öbun e he ka kunâ ûsa khaca thauzan ûnyi hnyi je tribu Isaraela hia he ka vat.

Mataio 19:26

Haba Iesu ame ō ʼdrin me ha, ka habe, E ca khana bi e hnen at; ke ba ke ûnyi ae pason ka Khong.

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Deuteronomi 32:30

Ama kâmâu at a khaca he ka hnu thauzan, Me okecâ ten thauzan ge li at a lo, Ame ne ca bân anyidra Kic ka ûco degeci ödra, Me hna degeci ödra hnö Iehova?

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Josua 14:12

Anyin a wale ham könya bucen eang, wale Iehova ame ha gan hnyi bong eling; auyin a u je long hnyi bong eling a ka eling at Anaka, me je taun ae gan adre up haginy: me ame ne he la Iehova ka tha e mönya, me oge me he ka obʼ ödrin helâ me Iehova ame ha.

Owisa 15:18

Ke gan hmâ beic kâu me e ame tenge Iehova, me ha, ka habe, U je hna ka athnyabaem hna omelö eang ae gan, ke walang any oge me he but ka mok ge beic, me ta ka hnyi hnyamen tavat adre ca peritomonâ bi.

I. Samuela 14:5

Ame tot khaca kic ka hnyi hwadro cicö Mikemas, ke haba khaca ka hnyi hwaiöu cicö Geba.

I. Samuela 14:7

Me ame thu kâu at ame hom tilâ omjehen vat, ka habe, Ânyâ hia thö ûnyi hnyi hnyekom: hwio thö, wâ bi inyʼ ang unyâm hoton weny hnyekom.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?

I. Samuela 17:36

Inya athnyabaem oge me kot liona me bea; kʼ ame he at Filisiti ang adre ca peritomonâ ka helâ me ke at gadru, anyin a e ame humbasö je vat anyin Khong ae möt.

I. Samuela 17:46

Ame he Iehova ka hnö u ka hnyi hnyamok hnyi bong ang; ke oge me he ka kuc u me subâ degecâ bâm; ke oge me he ka ham unyin je utbavat anyin at Filisiti ka omeno ame gâ, me omeno a binyin hmeledrany hnyi bong ang; me me he hmeledrany hia ka wâhmakhmeto a e bi Khong unyin at Isaraela:

I. Samuela 17:47

me me he minya ûkhacaköu eang ka wâhmakhmeto a Iehova ame ca ûhomeli ge hele vat me ö: anyin a haba vat anyi Iehova, me e ame he ka hnʼ öbun ka hnyi hnyamöhmun.

I. Samuela 31:4

Me Saulo ame ba ka at ame hom tilâ anyin ta je ûnyi vat, ka habe, Oc ut ânyâm hele vat me dâoi nya kâu; wâ e nye o but tavat adre ca peritomonâ me dâoi nya, me okongu nya. Ke ame höcö at ame hom tilâ anyin je ûnyi vat; anyin ae gan hmâ anyin ot. Me haba Saulo ame hom hele vat me hamen ta takoû e.