I. Samuela 14:45 - Iaai Bible 1901 (New Caledonia)

⁴⁵ Me ame ha tavat kö Saulo, ka habe, Hawa, ame he ka mokcu Jonathana at ame omelö gânâ at Isaraela? Ohe, kia öhmun Iehova, ame ca he ka kolu ke leûnen ban; anyin a e ame hia but tha huliwa me Khong hnyi bong ang. Me haba tavat adre me omeli Jonathana, me ame ca mok bi.

I. Samuela 14:45 ပူးပေါင်းရင်းမြစ်များ

II. Samuela 14:11

Me haingen momo, ka habe Ö u unykûme than Iehova Khongom, me me ca he hmetu at ame bi hwaban komok ka bi hwaban bi, wâ ödrin nye he ka ohia nökuk. Me e ame ha ka momo, ka habe, Kia inya Iehova ame ca he ka kolu hnyikânâi ke leûnen ban nokom.

I. Je Than 1:52

Haba Solomona ame ha, ka habe, Ame ne he ka ânyâ hwakecin ae ûcû ame ca he ka kölu hnyikânâi ke leûnen ban: ke adre me ne he ka wâ hwakecin ae kong gan, me e ame he ka mok.

II. Man Ûlabainy Je Than. 19:11

Ke, wâ bi, Amaria, at bihut ae beönua, e bi at musi öbun hnyi ta je ûnyi anyi Iehova; me Zebedia nöku Isamaela, at ame muso lap anyin Juda, ge ta je ûnyi anyin than: me at Levi a je homakan hnyi hnyimaköbun. Hwege thö, me ânyâ thö, kʼ ame he Iehova ka tha e me at ae so.

Nehemia 9:27

Anyin a wale u je hnʼ ödrin ka hnyi hnyamen je iwahnaihmiony mödrin, tavat adre me oveci ödrin: ke haba hnyi ûen vec ödrin e tenge köu, me u me long hnyi drany; ke ûnyi hnyi ânyâm betenge ae gan hmâ, me u me ham ködrin tavat he ka omeli ödrin ûnyi hnyi hnyamen je iwahnaihmiony mödrin.

Isaia 13:3

Oge hia but hûna ka anyik wakap, eke, oge hia but hawâ je atök a tavat hwege he ka ohwâdâ anyik hmonyin, a je atök adre me hobâ me bi gan.

Mataio 10:30

ke adre hia but aû hia je leûnen böbun.

Luka 21:18

Ke ame ca he ka hia ke leûnen böbun.

Ta je huliwa 14:27

Ke ödru me o but, me ödru me ûkhacaköuâ ekalesia, me omanenâ ta je ûnyi hia thithö ame tha ânyâ mödru Khong, waleji a gʼ ame khöng hwanumen labageju ka Aten ta je hnyei. Ke e beû bi hnödru hna tha laba me laten.

Ta je huliwa 15:12

Me ame laba hnyibû but ûkhacaköu hia; me adre me vehling Banaba me Paulo ödru me ûthumetu ge je haten me je ûöman ame ânyâ Khong ûnyi gadru unyin Aten ta je hnyei.

Ta je huliwa 21:19

Ke ame italofa mʼ ödra, me e ame omanenâ gaga ta je ûnyi ame ânyâ Khong unyin Aten ta je hnyei hnen anyin huliwa.

Ta je huliwa 27:34

Anyin a wale oge me ûjongi öbun he ka han: anyin a hobi kâu anyibun möt: anyin ame ca he ka hia leûnen a khaca hnyi ban ke at gabun.

Roma 15:18

Anyin oge me ca he ka hwege ka ha ke ûnyi, wale ame ca tha mâdrâ mönya Keriso hnân okûâ ûling ka Aten ta je hnyei, hnen hofuc me huliwa,

I. Korinito 3:9

Anyin a ohmun tavat tha huliwa tot me Khong: ke öbun hna belok iny Khong, ke uma a op Khong.

II. Korinito 6:1

KE öhmun ang hnyat öhmun e tha huliwa më, me öhmun e ûjongi öbun, wâ öbun nye kap bâûâ ibetengiö anyin Khong,

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 19:14

Me ame he hoton, je utbavat hnyi drany, adre me tabâ je hors ae hau, adre khavâ mano lino ae ûhnyûkong nân, ae hau me ba hnyikongon.

I. Samuela 11:13

Haba Saulo ame ha, ka habe, Adre me ca he ka hlingâ ke at hnyi bong ang: anyin a Iehova ame ham möt hnyi bong ang hobi kâu at Isaraela.

I. Samuela 14:23

Me haba Iehova ame omelö at Isaraela hnyi bong eling: ke adre me vat ke ne o but ka hnyi Beth-aven.

I. Samuela 14:46

Ke Saulo ame hmetu ûheny hnyi hna hnu at Filisiti: kʼ ame vese at Filisiti ka hnyi hnödra bi.

I. Samuela 19:5

ke e ame ip anyin möt hnyi hnyamen, me hlingâ at Filisiti, me Iehova ame omelö gan hmâ Isaraela hia thithö: u je wâ e, me senyin: ke anyin a ieû u me he ka kong ka dra ae ba hnyikongon, he ka hlingö Davita ke ba can?