I. Samuela 14:36 - Iaai Bible 1901 (New Caledonia)

³⁶ Ke haba Saulo ame ha, ka habe, Otin he ka at Filisiti hnyi hnyinghet, me kuc ödrin ke ne o but hnyi haolany me me ba köluidrin. Me haingödrin, ka habe, E so u me ânyâ weny hnyekom. Ke haingen at bihut, ka habe, Ötin a me he ka hakekeny ka Khong.

I. Samuela 14:36 ပူးပေါင်းရင်းမြစ်များ

Salamo 73:28

Ke haba inya, e so könya he ka hakekeny ka Khong: Oge me hia but wia Than Iehova me me hnok hna lubaduöng, Mʼ oge me he ka omanenâ ânyâm ta je huliwa hia thithö.

Isaia 58:2

Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

Jeremia 6:5

Todrö, mʼ ate me he ka ölö hnyi hnyinghet, me ate me he ka ohia je uma umen tuhan.

Malaki 2:7

Anyin a hamen li esongodiny at bihut he ka tuö metâ, ke e ûcû he ka elâm hnanyibu hnyi hnyimen: anyin a e ûthumetu anyi Iehova tuhan sabaoth.

Numera 27:21

Ke e ame he ka tot hnyi hnyimakö Eleazara at bihut, ke hamen he ka hnö hobi kâu hnyi hna owisa hnen Urim hnyi hnyimakö Iehova: ke adre me he ka he hoton hnen hna ha, kʼ adre me he ka hmetu hoton hnen hna ha, a e me lakon Isaraela hia a tha ödra mē, wale ûkhacaköu hia.

Iakobo 4:8

Hakekeny dö ka Khong ke e ame he ka hakekeny köbun. Hinyem but öbun tavat hulo; ke obosoâ but je hnyekubun tavat lolo hnyok.

Josua 10:19

ke ca bec öbun; hnu je iwahnaihmiony möbun, me kot tavat wale a bilidra; ca hnʼ ödra bi he ka dit ka hnyi anyidra je taun: anyin a Iehova Khongubun ame hnʼ ödra köbun.

Josua 11:14

Ke haba ta je omjeû hia hnyi je taun eling me omeno, me lakon Isaraela adre me hom hobi ködrin bi; ke so bi adre me hlingâ tavat hia thithö ge hele vat ke ne o but ame hiʼ ödra, ke ba but kolon ame menâ.

I. Samuela 1:23

Haba Elekana a âiân ame ha kâu, ka habe, ânyâ thö so köu; laba ju ke ne o but u me hnebaiö e; ke so e he Iehova ka ohmâ hwan hofuc. Me ame laba momo, me asen nokon ke ne o but e ame hnebaiö.

I. Samuela 11:11

Ke haba nyi Saulo ame khenâ tavat me me kun ta bunyen: ke ödrin e o hnyi wanben hna hunuma hnyi hna hmak hnyi hnyomakatu, me kot at Amona ke ne o but ame vec hwan seûnö: ke adre oveseâ bi je kolon, me me ca tha laba li at a lo.

I. Samuela 14:3

me Ahia a nöku Ahituba, liamekeiny me Ikaboda, nöku Fineasa, nöku Eli, at bihut kö Iehova hnyi Silo, e ame khavâ iefoda. Ke ca khana bi tavat a ga he but Jonathana.