I. Samuela 14:24 - Iaai Bible 1901 (New Caledonia)

²⁴ Ke a vec ut Isaraela hnyi bong eling: ke haba Saulo ame thawâ hwegiâ tavat, me ha, ka habe, Hnaûhango a ame he ka han ke ne o but sahac, me inye me hia thö bi hwaban ka je iwahnaihmiöny mönya. Ke ame ca han bi tavat hia.

I. Samuela 14:24 ပူးပေါင်းရင်းမြစ်များ

Salamo 18:47

Wale Khong at ame bi nya, Kʼ ame hom ûhnyûkongoâ ta je hnyei hnyi hmelik.

Ta je Vejec 11:9

Haba hnyimen at ame ca ot, me ame okongoâ waeny: Ke adre me he ka omelo tavat ae wisa ûnyi ge wâhmakhmeto.

Levitiko 27:29

E ba ûnyi adre nyibo, a labö nyibo hnen at, adre me he ka ûco hmetu; kʼ adre me he ka hlingâ e.

Levitiko 5:4

ke ame ne he ke at ka ie khemanyin ge li esongodiny he ka ânyâ ûnyi ae kong, ame ne ûnyi ae so, haba ta je ûnyi hia e ame ie ha me khemanyin, ke iyong kâu, haba hnyi ûen ae khana me e at hulö hnyi ke ûnyi eling:

Numera 21:2

Me haba at Isaraela adre me hûkâlö khöbi kö Iehova, me ha, ka habe, U me ne he ka hna tavat ang ka hnyi hnyamok, me oge me he ka tha ohia anyidra ta je taun.

Numera 5:21

me hamen at bihut he ka kunâ momo he ka khemanyin a khemanyin hnân ohnaûhangöâ, kʼ ame he at bihut ka ha ka momo, ka kabe, Ame he Iehova ka wiö u hnân hangâ me khemanyin hnyi wanben em hnyei, e ka he Iehova ka oavâ jevam me okhibö hnyekom;

Roma 10:2

Anyin a oge me ohnathoâ gadra a ödra tavat hwege huliwa ka Khong, ke ca hoton bi metâ.

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

Josua 6:26

Ke haba Josua ame ha hwegiâ ködra hnyi ûen eling, ka habe, Hnaûhango hnyi hnyimakö Iehova at ame he ka tot me op hmeto taun eang Jeriko: e ame he ka bi taben e ge imekeiny nokon a atö, me otilâ je homagouleny ge imekeiny nokon a wakeiat hmönyin.

Owisa 1:28

Ke ame hwege bi at Isaraela, me odrin e kunâ at Kanana he ka bi athnyaba, kʼ adre ca ti obʼ ödrin.

Owisa 5:2

Anyin ame homakan je taben hnyi Isaraela, Ke haba tavat adre ka ve ham ödra bi me ca höcö Awe, Oganö Iehova.

I. Samuela 14:25

Ke ame o but tavat hia hnyi hnyot, ke wale hani eû hon kânâ.

I. Samuela 14:39

Anyin a kia inya Iehova at omelö at Isaraela, me ame ne e unyi Jonathana a nokuk me hamen he ka mok. Ke ame ca thu kâu ke at unyin tavat hia.

I. Samuela 18:25

Me haingö Saulo, ka habe, Öbun e he ka ha helâng kö Davita, ha habe, E ca weny bi than sâniny hlu, ke so bi, khaca haded je unen unyin at Filisiti, me me bi hwaban je iwahnaihmiöny me than. Anyin a haba Saulo ame ûnykûme he ka kuc Davita ge hnyamen at Filisiti.