I. Samuela 14:19 - Iaai Bible 1901 (New Caledonia)

¹⁹ Ke Saulo ame tiga ûhnenamö me at bihut, me ame tiga hu mede hnyi hna hunuma anyin at Filisiti, me ame gan tot: me Saulo ame ha ka at bihut, ka habe, Me tot ju.

I. Samuela 14:19 ပူးပေါင်းရင်းမြစ်များ

Salamo 106:13

Kʼ adre me ie hnying ut hnen je hna ânyâ; Kʼ adre me ca lubahingen bi anyin ûhnenamö:

Isaia 28:16

anyin a wale ame ha Than Iehova, ka habe, Wâ bi, inya oge me ip hnyi Ziona veto hnân taben, a veto adre cubec, vetoiny ban kopiny ae gan hwaban hnân taben ae hmâ: kʼ ame ca he ka he mweimwei at ame labageju kâu.

Numera 27:21

Ke e ame he ka tot hnyi hnyimakö Eleazara at bihut, ke hamen he ka hnö hobi kâu hnyi hna owisa hnen Urim hnyi hnyimakö Iehova: ke adre me he ka he hoton hnen hna ha, kʼ adre me he ka hmetu hoton hnen hna ha, a e me lakon Isaraela hia a tha ödra mē, wale ûkhacaköu hia.

Josua 9:14

Me ame kop ödrin hnen tavat ge je kamejidrin, ke ödrin e ca hnö unyi Iehova.

I. Samuela 13:11

Ke haingö Samuela, ka habe, Ieû u je hia but ânyâ? Haingö Saulo, ka habe, Oge wâ a ga vese thö tavat gak, ke u tiga ca o waleji hnyi ûen, me haba at Filisiti adre me ûkhacaköu hnyi Mikemas;

I. Samuela 14:20

Ke Saulo me tavat hia unyin adre me ûkhacaköu me he ka hnyi vat: ke wâ bi, ödrin e ûkotköuâ lahiödrin, ke ti gan hmâ imonumonuny.

I. Samuela 14:24

Ke a vec ut Isaraela hnyi bong eling: ke haba Saulo ame thawâ hwegiâ tavat, me ha, ka habe, Hnaûhango a ame he ka han ke ne o but sahac, me inye me hia thö bi hwaban ka je iwahnaihmiöny mönya. Ke ame ca han bi tavat hia.

I. Samuela 30:7

Ke Davita ame ha kö Abiathara at bihut, nöku Abimelek, ka habe, Ö u hö jem könya iefoda. Me Abiathara ame hom iefoda kö Davita.