I. Samuela 14:15 - Iaai Bible 1901 (New Caledonia)

¹⁵ Ke e hu öbubuny hnyi hna hunuma, me hnyei, me unyin tavat hia; haba lap tue me hnyat hûgûnâ ödrin e öbubuny minya: ke ame ûk hmeledran; me gan hmâ hmonyin öbubuny.

I. Samuela 14:15 ပူးပေါင်းရင်းမြစ်များ

Genese 35:5

Kʼ adre me he but: ke e gan hmâ hna outen hnyi ta je hnyei igigili ödra, kʼ adre me ca hnu hoton je laku Jekob.

II. Samuela 5:24

Ke u ka long dö hwa he ethö hon sabaka, awe, ie utut: anyin a Iehova ame hia but bân hnyi hnyimâkâm, be ka kot utbavat anyin at Filisiti.

Jobu 18:11

E ame he ka gâon ge ta je ûnyi hnân outen igigilö, Kʼ ame he ka wadring hoton li ohmâiny can.

Salamo 14:5

Haba hnyi dok eling adre me ot gan hmâ: Anyin a e Khong unyin tavat ae wisa.

Esodo 19:18

Kʼ ame sâ bucen Sinai hia, anyin a Iehova ame ut hnyin meic kâ e: kʼ ame ölö görany ai sân helâ me sân inyâ ji: kʼ ame ûk hwege bucen hia.

Daniela 5:6

Me ame hwio hnyimakan than, ke ame ohmakâ e hnen je ûnykûmenen; ke ame memen dut je jeien hnyin, ke ame öbubuny but li boucan.

Mataio 24:6

Ke öbun e he ka long ge ta je vat, me hoon ta je vat: wâ eâu, öbun nye he ka ot, anyin ame he bi ka o ta je ûnyi e, ke tiga hia bi obiny.

Josua 2:9

ke e ame ha ka li at, ka habe, E khanö nya a Iehova ame ham köbun hnyei, ke a o but kohmun ot gabun, kʼ ame aû but aten hnyei hia thithö hnyi hnyimaköbun.

Owisa 7:21

Ke ödrin e ve tot hnyi je hnödrin bi igigilo hna hunuma; me ame wadring je vat hia thithö; ke ödrin e hongot me obʼ ödra.

I. Samuela 13:17

Ke haba tavat hûgûnâ, me ödrin e he ûheny hnyi hna hunuma anyin at Filisiti a kun ta bunyen: haba ke bunyen ame hnyi gethen ûheny Ofera me he hnyi hnyei Sual:

I. Samuela 13:18

ke ke bunyen ame saû hnyi gethen ûheny Bethe-horona: ke ke bunyen bi ame saû ka hnyi getheniny hnyigot cicö hnyigöulen bucen Zeboim hnyi hnyebuba.

I. Samuela 13:23

Ke e bi lap tue anyin at Filisiti ke ne o but hnyi gethen ûheny Mikemas.

I. Samuela 14:14

Ke haba hnyi hna hlingâ eling a bân, wale Jonathana me at hom tilâ omjehen vat ame ânyâ me ame ne twente tavat, hnyi utkânâ ae ûhnyûkong helâ me hafiny wadeny ûnyi hnân wia kânâ.

I. Samuela 14:16

Ke haba hnyat hmâkâ hnyi Saulo hnyi Gibea hnyi Beniamina ödrin e wâ; ke wâ bi ame aû but tavat, ke adre me kec monu ehele.

I. Samuela 7:10

Ke Samuela ame hudo hudiny leû, me haba at Filisiti adre ma hakekenyâ he ka vat me at Isaraela: ke Iehova ame bi hwan than ae gan hnyi bong e hon at Filisiti me ohmöiöngi ödra; me Isaraela ame kuc ödra.