I. Samuela 13:9 - Iaai Bible 1901 (New Caledonia)

⁹ Ke haba Saulo ame ha, ka habe, Hom but jem könya hudiny leû, me je hudiny ole. Me e ame hudo hudiny leû.

I. Samuela 13:9 ပူးပေါင်းရင်းမြစ်များ

II. Samuela 24:25

Ke haba Davita ame otilâ taben bi hut kö Iehova eling, me hudo je hudiny leû, me je hudiny ole. Ke Iehova ame kap je hna khöû hobi kâu hnyei, me ame hia ju mok ae cap unyin at Isaraela.

I. Je Than 3:4

Ke haba than ame he Gibeona ai he ka bi hut eling; anyin a haba wale dok ae görany ke gan bi: khaca thauzan je hudiny leû ame hudo eling Solomona hon taben hut.

Salamo 37:7

Laba wia ju unyi Iehova, ke halubahingen ju: Ca he ka hmak ge at ae sot hnyi deny gethen, Wale at ame bibihwakeoin he ka okongoâ.

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 20:22

Ca ha, ka habe, Oge me he ka bi hwaban monu: Halubahing Iehova ju, ke e ame he ka omeli u.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Ta je Vejec 21:3

He ka ânyâ ûnyi ae ûcû me owisa, Me wale ûnyi ae so kö Iehova hon hut.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Deuteronomi 12:6

ke öbun e he ka hom kâ e anyibun je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun je khöbi, me anyibun je hudiny ibetengiö, me je nokon a bân hnyi halebun je kau me mamoe:

I. Samuela 14:18

Me haba Saulo ame ha kö Ahia, ka habe, Hom but jem tang tangen Khong. Anyin a e unyin lakon Isaraela tang tangen Khong hnyi ûen e.