I. Samuela 13:14 - Iaai Bible 1901 (New Caledonia)

¹⁴ Ke walang ang ame ca he ka tet hmâ dokhom dökhu: ke Iehova ame hia but elâm at ae ûcû me hnyekon bi, ke Iehova ame hia but ûca at eling me me tuhan lakeiny, anyin a u je ca tuö ûnyi waleji Iehova ame hûna köu.

I. Samuela 13:14 ပူးပေါင်းရင်းမြစ်များ

II. Samuela 5:2

Ke haba ehac waleji a than kötin Saulo, me u thibi at ame lelö hââng me lelö hmetu jem at Isaraela: ke Iehova ame ha köu, ka habe, U ma he ka hān lakeik a Isaraela, ke u me be ka bi than hnyi Isaraela.

II. Samuela 6:21

Ke haingö Davita kö Mikala, ka habe, Wale hnyi hnyimakö Iehova at ame ûco nya hon kâmâm me anyin lap hia, he ka otilö nya hnân taben tavat anyi Iehova, a Isaraela: wale me inye he ka khumöng dö hnyi hnyimakö Iehova.

II. Je Than 20:5

Hwio hmetu thö, me ha kö Hezekia, a taben lakeik, ka habe, Walang hna ha hnö Iehova Khongu Davita a kibâm, ka habe, Oge hia but long hijâm hic, me wâ deköiâm: me wâ bi, oge me he bi nya ka omeli u: haba hnyi bong a kuniny u me he ka he ka hnyi uma umo Iehova.

I. Man Ûlabainy Je Than. 10:13

Helâe ame mokcu Saulo can anyin monu wale a ânyâ kö Iehova, waleji a ca long hoton hofuc ho Iehova; ke khaca, anyin a e ame elâm unyin at ae tren biobotkong, me hnei;

Salamo 78:70

E ame ûca minya Davita me me athnyabainy, Kʼ ame hom but e ûnyi hnyi je haginy mamoe:

Ta je Vejec 27:24

Anyin ame ca tethmâ nyiele balua je omjeû; Ke hawa, e bi korona ke ne o but ke dö me ke dö?

Isaia 39:5

Me Isaia ame ha kö Hezekia, ka habe, Long ju hofuc ho Iehova tuhan sabaoth.

Ta je huliwa 13:22

Ke a hia but hom e, e ame otilö Davita me me tuhödra; ke e ame ohnathoâ e, ka habe, Oge ō Davita nöku Jese, at a helâ me hnyekuk, at ame he ka ânyâ hia wek.

Ta je huliwa 7:46

wale at a wâ ibetengiö ûnyi ge Khong, kʼ ame sumâtâ he ka wâ uma umen Khongu Jekob.

Heberu 2:10

Anyin ae ûcû kâu, wale at a hobi kâu ta je ûnyi hia, ke ûnyi gan ta je ûnyi hia, hnyi hnen hna hom lakon a ödra se hia ka hnyi hmanenang, e ûcû kâu he ka obekhotâ tuhan anyidra möt hnen ta je vec.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.

I. Samuela 15:26

Haingö Samuela kö Saulo, ka habe, Oge me ca he ka tha hmetu mou: anyin a u je hia but hna degecâ hofuc ho Iehova, ke Iehova ame digic u, me u me ca he ka than ka at Isaraela.

I. Samuela 15:28

Ke haba Samuela ame ha kâu, ka habe, Iehova ane hia but kia dökhu Isaraela hnyi bong ang ûnyi gam, me ham e ka ke at ame laba hakekenyi u, ae so hom.

I. Samuela 16:1

HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 16:12

Ke e ame ûkhûnöng, me hom e. Ke e dra makan, me hmanenang hnyimakan, me so ka wâ. Haba Iehova ame ha, ka habe, Todrö, hû but e: anyin ae at e.

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.

I. Samuela 24:20

Ke walang ang, wâ bi, e khanö nya a u me he ka than, ke adre me he ka ohmâ dökhu Isaraela hnyi hnyamâm.

I. Samuela 25:30

Ke e ka hia but Iehova ânyâ ka tuhok, helâ me ta je ûnyi hia thithö ae so e ame ha gam, me otilö u hnân taben Isaraela;

I. Samuela 9:16

haba nyi hnyi ûen helâng, oge me he ka kunâ köu ke at ûnyi hnyi hnyei Beniamina, ke u me he ka hû e, me me taben lakeik at Isaraela, me e ame he ka omelö lakeik ûnyi hnyi hnyamen at Filisiti: anyin a oge hia but wâ lakeik, kʼ ame o but könya anyidra mâng.