I. Samuela 12:3 - Iaai Bible 1901 (New Caledonia)

³ Inyʼ ang: ohnathu nya thö hnyi hnyimakö Iehova, me hnen hna hû: ia oge hom haleny bolok? ke hale ia asina oge hom? ke oge iyawö ia? ke oge oveci ia? ke oge kap hwaban ûnyi hnyi hnyamö ia he ka omûkâ li emakök can e? mʼ oge me he ka ham hmetu köbun.

I. Samuela 12:3 ပူးပေါင်းရင်းမြစ်များ

II. Samuela 22:22

Anyin oge me vheno je gethen de Iehova, Ke oge me ca saû degecâ bi Khong me be monu but.

Nehemia 5:11

Öbun na ham hmeto ködrin hnyi bong ang idrin je utkânâ, me idrin je hnyei vine, me idrin je hnyei elaio, me umödrin je uma, me ke keihen a hadediny mone, me hwit, me waina, me wakaco, waleji öbun e hom gadrin.

Salamo 15:5

At ame ca mē ham anyin mone ge hwaban, Me ca kap hwaban hnân okongoâ at ae ba hnyikongon. Ame ca he balua ka bwebwet at ame mâdrâ ta je ûnyi e.

Esodo 20:17

U ca he ka behnyekom uma umen ke at, u ca he ka behnyekom âiân ke at, me athnyabainy a baga, me momo, me haleny bolok, me haleny asina, me ta je ûnyi hia anyin ke at.

Esodo 22:4

Kʼ adre me ne wâ ûnyi a venöu ae tiga möt hnyi hnyamen, ame ne kau, ame ne asina, ame ne mamoe; e ame he ka ham lo me hwaban.

Esodo 23:8

Ke u me ca he ka kap bwihlany: anyin a haba bwihlany ame omûko at ame wâ, me ohavâ hofuc hwan tavat ae wisa.

Ta je Vejec 15:27

Haba at ame behnyekon omjeû, me ame omonumonoâ anyin bi lap: Ke ame he ka möt at ame hûkotiâ ta je bwihlany.

Levitiko 6:4

hawe, a ne monu, a be hia but ânyâ hulö, hamen he ka ham hmetu ûnyi e ame hûgûnâ, ame ne ke ûnyi e ame hom hnyi hnen hna ovecâ at, ame ne ûnyi adre hna kâu he ka tuö, ame ne ûnyi a hia, wale ame hlo,

Levitiko 6:5

ame ne ke ûnyi e ame khemanyin thoi hnyin; hawe, hamen be ka ham hmetu hia thithö, me bi hanen ke keihen a libenyitainy: hamen he ka ham ka at a anyin hnyi bong a manen hnyin.

Numera 16:15

Me ame ubâhlâ hmönyin anyi Mose, me e ame ha kö Iehova, ka habe, U me ca he ka wâ anyidrin hut: ke ba haledrin asina oge hom, ke oge ca okongo ke at a khaca gadrin.

Mataio 22:21

Haingödrin kâu, ka habe, Kaisara. Me e ame ha ködrin ka habe, Awe, ham but kö Kaisara ta je ûnyi anyi Kaisara, ke ka Khong ta je ûnyi anyin Khong.

Luka 19:8

Ke haba Zakaio ame tot me ha ka Than, ka habe, Than lö, wâ ju, inya oge me ham ke keihen a hafiny anyik ta je ûnyi ka tavat ae theduoc; ke oge ne hia but hûgûnâ monoâ omjehen ke at, me oge me ibi ovak hmetu bi hwaban.

Ta je huliwa 20:33

E ba sileva, me gol, me ûkkaû anyin ke at oge behnyekon.

II. Korinito 12:14

Wâ bi, okuniny ju ang penapena a inya he ka he but köbun; ke oge me ca he ka ohmakʼ öbun: anyin oge me ca elâm anyibun ta je ûnyi, ke öbun bi: anyin a ca hanymen bi je lakon he ka ûkhöûnâ hobi kâu je kamen me hinyen, ke so bi je kamen me hinyen hobi kâu je lakon.

Deuteronomi 16:19

U me ca he ka ohwalö hna owisa; ke u me ca he ka wâhmakhmetoâ at bi: ke u me ca he ka kap bwihlany; anyin a haba bwihlany, me wale at ame omûko tavat ae metâ, me ohavâ hofuc hwan tavat ae wisa.

I. Thesalonika 2:10

Öbun hnyat ohnatho, me Khong minya, a öhmun e ânyâ hwakecin ae kap, me wisa, me ba hnyikongon köbun tavat labageju:

I. Thesalonika 2:5

Ke adre me ca ō ʼhmun bala a öhmun e ha hofuc ûtakû, e khanʼ öbun e, ke öhmun e ca huliwa hnyi behu, Khong ame ohnathoâ;

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;

I. Samuela 10:1

ME wale Samuela ame hom tap wakaco me hingâlâ hon ban, me ûcimhnyimak mē, me ha, ka habe, Hawa, ca anyin a Iehova ame hû u me hnân taben jekhon?

I. Samuela 12:4

Ke haingödra, ka habe, U je ca iyawʼ ohmun, me oveci ohmun, ke ba ûnyi u je hom ûnyi ge ke at.

I. Samuela 12:5

Me e ame ha kodra, ka habe, Iehova at ame ohnathoâ köbun, ke ame ohnathoâ laten adre hû minya, hnyi bong ang, a öbun e ca wâ ke ûnyi hnyi hnyâmök. Haingödra, ka habe, E but at ohnathoâ.

I. Samuela 2:35

Ke oge me he ka oâ hobi könya ke at bihut ae hnathu, me e ame he ka ânyâ hoton hnyekuk me oûny-kûmânök: ke oge me he ka otilâ hobi kâu lap ae tethmâ: ke e ame he ka bi hanymen hnyi hnyimakan hnyat oge me hû nyiele balua.

I. Samuela 24:11

Ke haba khaca, wâ bi, cica lö, me wâ bi obiny ânyâm ûkhaû eang hnyi hnyamok: ke oge me subâ obiny ânyâm ûkhaû me ca hlingö u, anyin a wale khanö u thö me wâ a e ba ûnyi ae kong me hulö unyik, ke ca kong hwakecik köu, eja ke ne u je ne elâm melik he ka ohia.

I. Samuela 24:6

Me e ame ha ka lahien, ka habe, E so Iehova ame thawo nya he ka ânyâ ûnyi ang ka tuhok, at Iehova ame hû, he ka inâ hnyamok kâu, anyin a e bi at a hû hnö Iehova.

I. Samuela 24:7

Ke Davita ame thawâ lahien ge je hofuc eling, kʼ ame ca hnʼ ödrin he ka tot kö Saulo. Ke Saulo ame todrö me he ûheny hnyi op hnyi deny gethen.

I. Samuela 26:11

Iehova ame thawo nya, me inye ca he ka inâ hnyamok ka at a hû Iehova: ke ö u hom dö ö hnyi hunen me kaia ae lup, me ötu me he.

I. Samuela 26:9

Haingö Davita kö Abisai, ka habe, Ca he ka hlingâ e: anyin a ie at ae khana he ka inâ hnyamen ka hna hu hnö Iehova, ke ba ju hulö gan?