awe, u na long ju hnyi drany, me hna monu anyin lathnyabaem, me lakem a Isaraela, u ka he ka nʼ ödrin ge gethen ae so he ka vheno gadrin; me ham we ka hnyi hon em hnyei, waleji u je ham ka lakem me me idrin.
awe, ö u long ju hnyi drany, me hna hwakecin ae kong anyin lathnyabaem, me lakem a Isaraela, u ka nʼ ödrin ge gethen ae so ködrin he ka vheno; me kunâ but we ka hnyi em hnyei, wale u je ham ka lakem me me idrin.
Ke haba nyi, Mose ame ha ka tavat, ka habe, E gan hmâ anyibun hulö: ke walang ang oge me he ka olo kö Iehova; oge me ne he ka bi hwaban melen anyibun hulö.
ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.
HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.
Ke adre ne je perofeta, ke a ne e bi unyidra hofuc ho Iehova, e so adre me he walang ang ka khöû kö Iehova tuhan sabaoth, mʼ adre me ca hom Babulona ai ta je kaia a kolon biju a e biju hnyi uma umö Iehova, me hnyi uma umen than Juda me Jerusalema.
Ke Jeremia perofeta ame ha ködra, ka habe, Oge hia but ling öbun; wâ bi, oge me he ka hic kö Iehova Khongubun, hoton hnobun hna ha; ke haba ta je ûnyi hia ame he Iehova ka thu köbun, oge me he ka omanenâ köbun; oge me ca he ka ikhâlâ gabun ke ûnyi.
Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.
wale at öhmun e khetâ, me sihwegiâ ka tavat hia thithö, me nʼ odra hia hnyi metâ hia, mʼ öhmun e he ka omanenâ tavat hia thithö ae bekhöt soidra unyin Keriso;
Anyin a wale öhmu me ca menâ hic, me sumat hobi köbun hwân hnyi bong öhme long hnyin, mʼ adre me he ka unöngöt ge hna wâhmakhmetoâ weny, hnyi metâ me wâ ûnykûme hia hnyi Hanu,
Inya oge me ole ka Khong, waleji oge me huliwa kâu hwân ge je lakibik hnyi oûnykûm sâ ae wisa, a oge me ca menâ ûnykûmi u hnyi hijik je hic hnyi lit me lany
Ke ame ha tavat hia kö Samuela, ka habe, Bethe hic hobi kohmun a lathnyabaem kö Iehova Khongom, mʼ ohmun e ca be ka mokcu: anyin a ohmun e hia but bi hanen ka anyihmun ta je hulö hia ûnyi eang ae kong, he ka sumatö tuhömun.