I. Samuela 12:22 - Iaai Bible 1901 (New Caledonia)

²² Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.

I. Samuela 12:22 ပူးပေါင်းရင်းမြစ်များ

I. Je Than 6:13

Ke oge me he ka laba unyin lakon Isaraela, ke oge me ca he ka hna degecâ lakeik a at Isaraela.

I. Je Than 8:57

E na tha Iehova ju Khonguta möta helâ me hnen hna tha e me lakamöta: e na ca he ju ka hia gata me hna degeci ota:

II. Je Than 14:27

Ke Iehova, ame ca ha a gʼ ame he ka kot degecâ but iö Isaraela ûnyi eang hmeledrany: me e ame omeli ödra ge hnyamö Jeroboama nöku Joasa.

II. Je Than 21:14

Ke oge me he ka hna degecâ kolon ik, me hnʼ ödrin ka hnyi hnyamen je iwhnai-hmiöny mödrin; ke ödrin e he ka je bâ me hna sei hnen je iwhnaihmiöny mödrin;

I. Man Ûlabainy Je Than. 28:9

Ke haba u, Solomona nokuk, khanö u thö Khongon kâmâm, me bi athnyaba kâu ge hnyok ae bekhot me hanu ae weny: anyin a Iehova ame elâm ta je hnyok hia, me wâhmakhmeto ta je hna ûnykûme hia eû hnyi hnyok: u je ne elâm e, me u me he ka wâ e; ke u je ne hna degecâ e, me ame he ka digic u nyiele balua.

II. Man Ûlabainy Je Than. 15:2

me e ame he ka ûkhanö me Asa, me ha kâu, ka habe, Asa lö, long ju öbun könya, Juda me Beniamina hia: e bala bi Iehova unyibun hnyi ûen öbun e tha öbun më; ke öbun e ne elâm me öbun e he ka wâ e; ke öbun e ne degec, me e ame he ka digic öbun minya.

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Salamo 106:8

Ke so bi e ame omeli ödra can ien bi, Me me he ka omanenâ maniny man.

Salamo 94:14

Anyin ame ca he bi Iehova ka hna degecâ lakeiny, Kʼ ame ca be ka hna but hwajekhon.

Esodo 32:12

Ieû ge at Aigupito tavat adre me he ka ha, ka habe, E a hum odra me me he ka hlingʼ odra hnyi je bucen, me ohiʼ odra ûnyi hnyi hon kânâ? Ö u ikhâlâ ju hmönyininy hnyekom ame ubâhlâ, me ietra monu a o ka je lakem.

Isaia 37:35

Anyin a oge me he ka tuö taun ang me omelo e gak bi, me ga Davita athnyabaik.

Isaia 41:17

Tavat adre me vec, ke ta je theduoc, me adre me heleû köiö, me ba, ke atgec dö ta je bohmödra ge beic; ke oge me he bi nya Iehova ka thu kodra, oge me ca he bi nya Khongu Isaraela ka hna degeci ödra.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 43:7

haba ödra hia adre ip hudra iök, waleji oge me op hnân oganö nya; me inya at a huliwön ödra; eke, oge hia but up ödra.

Isaia 48:11

Gak, gak bi, oge me he ka ûnyâ e; anyin a ieû adre me he ka haikongoâ iök î ke oge me ca he ka ham anyik hmanenang ka ke at.

Isaia 49:15

Hawa, ame he mono ka hnying nokon ame asen, me me ca he ka betenge ge onyen hnyekon? eke, e khanʼ ödra he ka hnying, ke so bi oge me ca he ka hnying u.

Isaia 63:8

Anyin a e ame ha, ka habe, E hnathu, ta je atök ödra, a je wanakat adre me ca he bi ka ânyâ iyawo: me me at omeli ödra bi.

Jeremia 14:21

Ca he bi ka ikiki ohmun, ûnyi hnyi iâm; ca he ka okongoâ theroniny ânyâm hmanenang: ûnykûme ju, ca he ka thamuâ ânyâm ûhihinyköu möhmun.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 14:9

Anyin a ieû, u je helâ me at ame gâ ön, ke helâ me at ae hwege ae ca khana he ka omelo? ke so bi, u bi Iehova hnyi wanböhmun, ke u je ip iâm huhmun; ca hna degeci ohmun bi.

Je tenge anyi Jeremi 5:20

Anyin a ieû u je hnying ohmun bala, Me hnʼ ohmun hnyi je bong helâe, ae se hia hmonyin?

Ezekiela 20:14

Ke so bi oge me huliwa can iök, me me ca he ka kong bi hnyi hnyimakan je hnyei, waleji oge me hum ödra hnyi hnyimakan.

Ezekiela 20:9

Ke so bi oge me huliwa ûnyi hnyi iök, me me ca kong bi hnyi hnyimakan je hnyei waleji adre me laba hnyin, ke oge me omanenö nya bi kodra hnyi hnyimakodra, hnyi hnok hna hum ödra ûnyi hnyi hnyei Aigupito.

Malaki 1:2

Oge hia but betenge gabun, haingö Iehova. Ke haingöbun, ka habe, U je hai but betenge gahmun hnyi ieû? Hawa, ca kei Esau Jekob? haingö Iehova: ke oge me betenge ga Jekob;

Mataio 11:26

eke, Cica lö, anyin ae ûcû e hnyi hnyimâkâm.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Roma 11:1

ANYIN a wale, inya oge me ha, ka habe, Hawa, a hia but Khong degec lakeiny? Ohe. Anyin a inya at Isaraela minya, ûnyi hnyi mâtrâni Aberahama, ke hanen tribu Beniamina.

Roma 11:29

Anyin ame ca ietra Khong ge hnen hna ham, me hnen hna hawâ.

I. Korinito 4:7

Anyin a ia okebongoni u? ke ewa ke ûnyi gam adre ca ham köu? ke ödra ka hia but ham köu, ieû gam u me hobelöu helâke adre ca ham?

Efeso 1:12

mʼ adre me he ka wiʼ öta hnân ogânâ anyin hmanenang, a öta hnyat a böta ka gejon ka Keriso:

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Deuteronomi 31:6

Hwege thʼ öbun me hnyok baga but, ca ot bi, ke ca öbubuny bi gadra: anyin a Iehova Khongom me e at ame tha he möu; e ame ca he ka hia unyâm, me hna degeci u.

Deuteronomi 31:8

Ke haba Iehova me wale at ame he hnyi hnyimâkâm; ke e ame he ka tha e bi möu, e ame ca he ka hia unyâm, me hna degeci u: ca ot ke ca öbubuny bi.

Deuteronomi 7:6

Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.

Filipi 1:6

ke oge me wâ cicöâ ûnyi eang, a haba at ame ibi hwân huliwa eû hnyi je hnyekubun, me ame he at eling ka obekhötâ e ke ne o but hnyi bong bongi Iesu Keriso:

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Josua 7:9

Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: