I. Samuela 12:18 - Iaai Bible 1901 (New Caledonia)

¹⁸ Me Samuela ame hongot kö Iehova; me Iehova ame kunâ hendreng me we hnyi bong eling: me ame ot gan hmâ tavat hia thithö kö Iehova me Samuela.

I. Samuela 12:18 ပူးပေါင်းရင်းမြစ်များ

I. Je Than 18:42

Me Ahaba ame he me han me ic. Ke Elia ame ölö ka hnyi ban Karemela; ke e ame ta ju hnyikânâi, me hnyimakan ka hnyi li boucan.

Ezera 10:9

Me haba at Juda me Beniamina hia ödrin e ûkhacaköu hnyi Jerusalema hnyi kun ta bong; ke tehi e a naininy, ke bong twenteiny tehi: ke haba tavat hia ödrin e laba hnyi dok ae lau hnyi hnyimakan uma umen Khong, me öbubuny can ûnyi eling, me can we ae gan.

Jobu 37:13

Ame ne hnân ûnö, ame ne hobi kâu iny hnyei, Ame ne betenge, me e ame oâ e.

Salamo 99:6

E bi Mose me Arona unyin anyin tavat bi hut, Me Samuela unyin tavat adre me hawâ ien; Ödrin e hongot kö Iehova, ke e ame thu ködrin;

Esodo 14:31

Ke a wâ but at Isaraela huliwa ae gan ame ânyâ Iehova hon at Aigupito, me me outö Iehova tavat: ke adre me labageju kö Iehova me Mose a athnyabainy.

Josua 10:12

Ke Josua ame ha hofuc kö Iehova hnyi bong Iehova ame hna at Amora hnyi hnyimakan lakon Isaraela; ke e ame ha hnyi hnyimakan at Isaraela, ka habe, Seûno lö, todru u hon Gibeona; Me u Tehi hnyi hnyigöulen bucen Aijalona.

Josua 4:14

Ke haba hnyi bong eling Iehova ame oganö Josua hnyi hnyimakan at Isaraela hia thithö; mʼ adre me outen e helâ me hnödrin hna outö Mose hnyi ta je bonginy hia anyin möt.