I. Samuela 12:17 - Iaai Bible 1901 (New Caledonia)

¹⁷ Hawa, ca ûen ang he ka meno hwit? Oge me he ka hongot kö Iehova, me e ame he ka kunâ hendreng me we; me me khanʼ öbun me wâhmakhmetoâ a e ti kong hwakecibun öbun e ânyâ hnyi hnyimakö Iehova, a ga sumatö tuhöbun.

I. Samuela 12:17 ပူးပေါင်းရင်းမြစ်များ

Salamo 99:6

E bi Mose me Arona unyin anyin tavat bi hut, Me Samuela unyin tavat adre me hawâ ien; Ödrin e hongot kö Iehova, ke e ame thu ködrin;

Esodo 32:30

Ke haba nyi, Mose ame ha ka tavat, ka habe, E gan hmâ anyibun hulö: ke walang ang oge me he ka olo kö Iehova; oge me ne he ka bi hwaban melen anyibun hulö.

Ta je Vejec 26:1

HELÂ me kiona hnyi honivakeny, me helâ me we hnyi ûen menu; Helâe minya e ca ûcû hmanenang ka at ae monu.

Jeremia 15:1

HABA Iehova ame ha könya, ka habe, Eja ke ne a ne tot Mose me Samuela hnyi hnyimakök, oge me ca he ka hnyok ka tavat ang: obʼ ödra but gak, mʼ adre me he but.

Josua 10:12

Ke Josua ame ha hofuc kö Iehova hnyi bong Iehova ame hna at Amora hnyi hnyimakan lakon Isaraela; ke e ame ha hnyi hnyimakan at Isaraela, ka habe, Seûno lö, todru u hon Gibeona; Me u Tehi hnyi hnyigöulen bucen Aijalona.

I. Samuela 12:13

Ke walang ang, wâ bi than öbun e ûca, me sumâtâ: ke wâ bi Iehova ame hia but otilâ tuhöbun.

I. Samuela 12:19

Ke ame ha tavat hia kö Samuela, ka habe, Bethe hic hobi kohmun a lathnyabaem kö Iehova Khongom, mʼ ohmun e ca be ka mokcu: anyin a ohmun e hia but bi hanen ka anyihmun ta je hulö hia ûnyi eang ae kong, he ka sumatö tuhömun.

I. Samuela 2:10

Adre me he ka oamamâ tavat adre me vat me Iehova; E ame he ka kunâ hendreng kodra ûheny hnyi drany: Ame he Iehova ka owisa je can hmeledrany; Ke e ame he ka ham tang hwege ka than a aten, Me ogöranyâ faoiny meno anyin at e ame osûâ.

I. Samuela 7:5

Haba Samuela ame ha, ka habe, ûkha-caköuâ thö at Isaraela hia hnyi Mizepa, ke oge me he ka hic hobi köbun kö Iehova.

I. Samuela 8:6

Ke e kong kö Samuela, hnödrin hna ha, ka habe, Ham dö kohmun than he ka owisa kohmun. Ke Samuela ame hic dö kö Iehova.

I. Samuela 8:7

Ke Iehova ame ha kö Samuela, ka habe, Long ju hofuc hwan tavat, wale adre me ha hia köu: anyin a ödrin e ca hna degeci u, ke ödrin e hna degeci nya bi, me inye ca thanidrin.