I. Samuela 12:12 - Iaai Bible 1901 (New Caledonia)

¹² Ke öbun e wâ a ga o but köbun Nahasa, thaniny laku Amona, me öbun e ha könya, ka habe, Ohe, e so e hu than he ka musi kohmun: ke so bi Iehova me anyibun than.

I. Samuela 12:12 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Salamo 74:12

Ke Khong thibi Tuhok kâû adrem, At ame huliwan hna ûhomeli hnyi wanben hmeledrany.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Jeremia 40:11

Ke hnyi ûen ame long ut at Juda hia hnyi Moaba, me unyin je laku Amona, me hnyi Edoma, me hnyi je hnyei hia a than Babulona ame ip biju je kolon at Juda, ke e ame hia but otilö Gedalia nöku Ahikama, nöku Safana hudrin,

Hosea 13:10

Ewa tuhâm, me me omeli u hnyi ânyâm ta je taun hia thithö? ke ânyâm tavat owisa köu, waleji u je ha, ka habe, Ham könya than me je taben?

Numera 23:21

E ame ca wâ hulö unyi Jekob, Kʼ ame ca wâ monu ga Isaraela: E unyin Iehova a Khongon, Ke e hnyi wanbödra ûhongötiny than.

Owisa 8:23

Ke haingö Gideona ködra, ka habe, Oge me ca he ka musi öbun, kʼ ame ca he bi nokuk ka musi öbun: hainö Iehova he ka musi öbun bi.

Owisa 9:18

ke hnyi bong ang öbun e tot ka lap anyi cica, me hia but hlingâ lakon a sevente hon veto a khaca, me otilö Abimelek, wale nokon ke momo a athnyabainy, me me thaniny at Sekema, anyin a liamekeiny e möbun;)

I. Samuela 10:19

ke öbun e hia but degec Khongubun hnyi ûen ang, at a omeli öbun ûnyi ge anyibun je hna okongoâ me hna ovecâ; ke öbun e ha kâu, ka habe, Otilâ thanihmun dö. Awe, omanenʼ öbun dö walang ang hnyi hnyimakö Iehova hoton anyibun je tribu me je thauzan gabun.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.