I. Samuela 11:15 - Iaai Bible 1901 (New Caledonia)

¹⁵ Me ame he tavat hia Gilegala ai; me adre me otilö Saulo eling ka than hnyi hnyimakö Iehova hnyi Gilegala; ke adre me hudo eling je hudiny ole hnyi hnyimakö Iehova; me ame tha senyin gan hmâ eling Saulo me at Isaraela hia.

I. Samuela 11:15 ပူးပေါင်းရင်းမြစ်များ

II. Samuela 19:15

Me ame hmetu than me o hnyi Joridano. Ke ame o at Juda hnyi Gilegala, me ûkhanö me than, he ka hom than hanyâûâ Joridano.

Esodo 24:5

Ke e ame kunâ wahidröu a je lakon Isaraela, mʼ odrin e hudo ta je hut adre le, me hudo kö Iehova je kau hnân hudiny ûsoköu.

Iakobo 4:16

Ke walang ang öbun e senyinâ anyibun je hobelöu: e monu hia ta je senyin helâe.

I. Samuela 10:17

Ke Samuela ame ûkhacaköuâ tavat kö Iehova hnyi Mizepa;

I. Samuela 10:24

Ke hâhâ Samuela ame ha ka tavat hia, ka habe, Wâ ju e, wale a ûca Iehova, anyin ae ba at helâ mē unyin tavat hia thithö. Me ame hongot tavat hia, me tha ha, ka habe, Khong lö omelö than.

I. Samuela 10:8

Ke bâm dö Gilegala ai, ke ama bilik; ke wâ bi, oge me he ka utut köu he ka hudo je hudiny leû, me hudo je hudiny ûsököu: seven je bong u me he ka hulubahingen ke ne o but oge me o köu, me omanenâ köu ûnyi u me he ka ânyâ.

I. Samuela 12:1

KE Samuela ame ha ka at Isaraela hia, ka habe, Wâ bi, oge hia but long hia hoton hobun hofuc waleji öbun e ha könya, me otilâ tuhöbun.

I. Samuela 12:17

Hawa, ca ûen ang he ka meno hwit? Oge me he ka hongot kö Iehova, me e ame he ka kunâ hendreng me we; me me khanʼ öbun me wâhmakhmetoâ a e ti kong hwakecibun öbun e ânyâ hnyi hnyimakö Iehova, a ga sumatö tuhöbun.

I. Samuela 8:19

Ke so bi haba tavat adre me höcö long hofuc ho Samuela; ke haingödra, ka habe, Ohe, ohmun e he ka hu tuhöhmun;