I. Samuela 11:11 - Iaai Bible 1901 (New Caledonia)

¹¹ Ke haba nyi Saulo ame khenâ tavat me me kun ta bunyen: ke ödrin e o hnyi wanben hna hunuma hnyi hna hmak hnyi hnyomakatu, me kot at Amona ke ne o but ame vec hwan seûnö: ke adre oveseâ bi je kolon, me me ca tha laba li at a lo.

I. Samuela 11:11 ပူးပေါင်းရင်းမြစ်များ

Genese 22:14

Ke Aberahama ame hwenyi ien dok e, ka habe, Iehova-irae: helâ me hnödra hna labö ha ke ne o but hnyi bong ang, ka habe, Adre me he ka penapena e hnyi bucen anyi Iehova.

II. Samuela 18:2

Ke Davita ame khenâ kunâ tavat, haba ke keihen a kuniny hmelen hnyamö Joab, ke ke keihen a kuniny hmelen hnyamö Abisai nöku Zeruia liamekeiny me Joab, ke keihen a kuniny hmelen hnyamö Itai at Gatha. Me haingen than, ka habe, haba inya oge me he ka tha he möbun minya.

Salamo 46:1

KHONG thibi hnöta hnabâ me tang hwegiöta, E ûhadruo ae hakekeny hmonyin hnyi vec.

Esodo 14:24

Ke haba hnyi hmak hnyi hnyomakatu, Iehova ame selâdrâ hnyi meic ame tot wisa me ûlâ, me ame ovecâ vat anyin at Aigupito.

Mataio 7:2

Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Owisa 1:7

Ke Adoni-bezek ame ha, ka habe, Odrin sevente je than adre subâ je bahnyökveto me li bacan ae gan gadrin, odrin e hlo je atmen hmelen anyik laulau: ke haba Khong ame bi hwaban könya helâ me hnok hna ânyâ. Ke odrin e hom e Jerusalema ai, me e ame mokcu eling.

Owisa 4:16

Ke Baraka ame hnu je kariota me je utbavat, ke ne o but Haroseth hnyi je hnyei: ke ame ta but je utbavat hia thithö anyi Sisera ge hele vat, ke ba but kolon.

Owisa 7:16

Me e ame khenâ kun ta haded me me kun ta bunyen me ve ham ka hnyi je hnyamödrin hia je trutru, me je kaia ae ba onyen me je okûnû eû hnyi hnyin je kaia.

Owisa 7:20

Ke ame tûö trutru je bunyen a kun, me thu je kaia, me ve kât je okûnû ge je hnyamödrin a me, me je trutru ge je hnyamödrin a metâ me me tûâ; ke ödrin e hongot hwege, ka habe, Hele vat anyi Iehova me Gideona.

Owisa 9:43

Me e ame hom tavat me khenâ me me kun ta bunyen me khöu mokut hnyi hnyei; me wâ, ke wâ bi, ame be but tavat ûhedrin hnyi taun; me e ame utut ködrin, me kuc ödrin.

I. Samuela 11:2

Haba Nahasa at Amona, ame thu ködrin, ka habe, Walang oge me he ka ûhihnyköu möbun a gʼ ame he ka bân ka oc ut je emaköbun hia a metâ; ke oge me he ka ip ûnyi e hnân haikongoâ at Isaraela hia.

I. Samuela 14:47

Ke hnyi ûen Saulo ame kap dökhu Isaraela, me e ame vat me je iwahnaihmiony mē hia igigilo, a at Moaba, me laku Amona, me at Edoma, me je thaniny Zoba, me at Filisiti: ke hwege hudrin hia e ame he ûcon.