I. Samuela 11:1 - Iaai Bible 1901 (New Caledonia)

¹ KE ame o but Nahasa at Amona me hunuma cicö Jabese-gileada: ke ame ha at Jabese hia kö Nahasa, ka habe, U me he ka ûhihinyköu möbmun, me ohmun e he ka bi athnyabaem.

I. Samuela 11:1 ပူးပေါင်းရင်းမြစ်များ

Genese 26:28

Ke haingödrin, ka habe, Öhmun e wâ wia thö a tha Iehova möu; me haingöhmun, ka habe, ötin e he ka ve khemanyin, a öhmun möu, ke öhmun e he ka ûhihinyköu möu;

II. Samuela 10:1

KE hwaban e ame mokcu thaniny lakon Amona, ke Hanuna nokon ame musi bi hnyi hwaban.

II. Samuela 10:2

Me haba Davita ame ha, ka habe, Oge me he ka betenge kö Hanuna noku Nahasa helâji me kamen ame betenge gak. Me Davita ame kunâ ke je lathnyabainy he ka otubwelâ ge kamen. Me ame o but lathnyabai Davita hnyi hnyei iny lakon Amona.

II. Samuela 17:27

Ke ame o Davita hnyi Mahanaima, me haba Sobi nöku Nahasa at Raba hanen lakon Amona, me Makir nöku Amiela ûheny Lo-deba, me Bazilai at Gileada ûheny Rogel,

II. Samuela 2:5

Haba Davita ame ûkhû-nöng ka at Jabesi-gileada, me ha ködrin, ka habe, E so öbun e hnahic ut ga Iehova anyin öbun e omanenâ ibetengiö e ka tuhöbun a Saulo, me konâm e.

I. Je Than 20:34

Haba Ben-adada ame ha kâu, ka habe, Haba je taun a hûgûnâ cica ge kâmâm, oge me he ka hna; ke u me he ka ânyâ je gethen hnyi Damaseko hobi köu, helâ me hnö cica hna ânyâ hnyi Samaria. Ke hai-Dgö Ahaba, ka habe, Oge me he ka hnö u me ûhihinyköu ang. Me e ame ânyâ ûhihinyköu më, me hna but e.

I. Man Ûlabainy Je Than. 10:11

Kʼ a long ut at Jabesi-gileada wale ge hnen at Filisiti hna ânyâ kö Saulo,

I. Man Ûlabainy Je Than. 10:12

me ame todrö tavat hwege hia me hom unyi Saulo, me unyin je lakon, me hom Jabese ai, me konâm je jeiö-drin hmelen iwajo hnyi Jabesi, kʼ ödrin e ca han hnyi seven je bong.

Jobu 41:4

Hawa, ame he ka ânyâ ûhihinyköu möu, Mʼ u ma hom me athnyabaem bala bi?

Esodo 23:32

U me ca he ka ûhihinyköu mʼ odra me je khongudrin.

Isaia 36:16

Ca he öbun ka ling Hezekia: anyin a walang hna ha hnen than Asuria, ka habe, Ûsoköu thö mönya, me he könya; ke öbun e he ka ve an wan anyibun vine me halebun je elaio, me ve ijem je an öbun e koû:

Jeremia 40:11

Ke hnyi ûen ame long ut at Juda hia hnyi Moaba, me unyin je laku Amona, me hnyi Edoma, me hnyi je hnyei hia a than Babulona ame ip biju je kolon at Juda, ke e ame hia but otilö Gedalia nöku Ahikama, nöku Safana hudrin,

Jeremia 40:14

me adre me ha kâu, ka habe, E khanö u a haba Baalisa thaniny je laku Amona ame kunö Isamaela nöku Nethania he ka hlingö u? Ke haba Gedalia nöku Ahikama ame ca kap hnödra hna ha.

Ezekiela 17:13

ke e ame hom ke nokon than, me ûhihinyköu mē, me kunâ e he ka khemanyin, ke e ame hom minya tavat ae hwege hnyi hnyei:

Deuteronomi 23:3

Ame ca he at Amona, me at Moaba ka hnyi hanen ûkhacaköu anyi Iehova; kʼ ame ca be balua ke at gadra ka hnyi hanen ûkhacaköu anyi Iehova ke ne o but hnyi dö a libenyitainy:

Owisa 10:7

Me ame ubâhlâ hmönyin anyi Iehova ka at Isaraela, me e ame ûcû ödrin ka hnyi hnyamen at Filisiti, me laku Amona.

Owisa 11:4

Ke hnyi ke ûen bi, haba laku Amona, ödrin e vat me at Isaraela.

Owisa 21:8

Ke haingödrin ka habe, Ie tribu unyin je tribu Isaraela a ca hnyi he Mizepa ai kö Iehova? Ke wâ bi, ame ca o ke at ka hnyi hna hunuma ûheny Jabese-gileada ka hnyi ûkhacaköu.

I. Samuela 12:12

Ke öbun e wâ a ga o but köbun Nahasa, thaniny laku Amona, me öbun e ha könya, ka habe, Ohe, e so e hu than he ka musi kohmun: ke so bi Iehova me anyibun than.

I. Samuela 14:47

Ke hnyi ûen Saulo ame kap dökhu Isaraela, me e ame vat me je iwahnaihmiony mē hia igigilo, a at Moaba, me laku Amona, me at Edoma, me je thaniny Zoba, me at Filisiti: ke hwege hudrin hia e ame he ûcon.