I. Samuela 10:3 - Iaai Bible 1901 (New Caledonia)

³ Ke u me he ka he ûhem e, me u je he ka o hnyi iwajo anyi Tabora, me ame be ka ûkhanö mou eling kun ta hnyat, ödrin e he Beth-ela ai ka Khong, ke at ame hom tilâ kun ta nokon got, ke ke at ame hom tilâ kun ta areto, ke ke at ame hom tilâ tap waina:

I. Samuela 10:3 ပူးပေါင်းရင်းမြစ်များ

Genese 28:19

Ke e ame hwenyi ien dok e, me, Bethela: ke Luza ien hnyei e a bân.

Genese 28:22

ke haba veto eang, wale oge otilâ hnân haten, ame be ka hnen uma umen Khong: ke ûnyi hnyi ta je ûnyi hia u ma he ka ham könya, e hnathu oge me he ka ham hmetu köu je ke keihen a libenyitainy.

Genese 35:1

KE Khong ame ha kö Jekob, ka habe, Todrö, he thö Bethela ai, ke laba e: me otilâ e tabon hut ka Khong, at ame manen köu, waleji hnyi hnâm hna kec ga Esau a tuhâm.

Genese 35:3

kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin.

Salamo 89:12

Haba hwadro me hwaiöu me u je up li dok e: Tabora me Heremona ame senyinâ iâm.

Jeremia 32:8

Me ame o könya Hanamela nöku cica hoton hofuc ho Iehova hnyi hnyeuleny uma ceat, me ha könya, ka habe, Ö u ûco thö utkânâ a ik hnyi Anathoth hnyi hnyei Beniamina: anyin ae ûcû köu he ka hu, ke hu musi gam he ka ûco hmetu; ûco thö me hobi köu. Me oge me wâhmakhmeto a hofuc e ho Iehova.

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 23:13

Ke haba hudiny han ame he ka lo li omer salawa adre ûthueniken me wakaco hnân hut a an ge meic ae bo so kö Iehova: ke haba hudiny ic, ame be ka tap waina a vakiny hin.

Levitiko 3:12

Kʼ ame ne got anyin hut, e ame he ka hudo hnyi hnyimakö Iehova.

Levitiko 3:6

Ke ame ne ûnyi hnyi hnahat meno anyin hut hnâu hudiny ole, ame ne baga ame ne momo, me e ame he ka hudo at ae ba hnyikongon.

Levitiko 7:13

E ame he ka hudo hudiny hut tha e me ta je hudiny ole, me hnân ole, tha e me je ong areto adre ca levenâ bi.

Josua 19:12

ke ame khenyi ûheny Siridi me he deiö hnyi hna o hnen seûno, ke ne o but hnyi hnyigöulen Kiselotha-tabor; me ame he Daberath ai me he ke ne ʼ o but Jafia;

Josua 19:22

ke ame o but hnyigot ka hnyi Tabora, me Sakazima, me Bethe-semes; ke adre umo hnyigöulödrin hnyi Joridano: sikstin je taun me je tauniny ae ûhnyûkong.

Owisa 20:18

Ke ame todrö lakon Isaraela, me he Beth-ela ai, me elâm unyin Khong, me ha, ka habe, Hamö ia he ka bân me vat me laku Beniamina? Me Iehova ame ha, ka habe. Bân at Juda.

Owisa 20:23

(Ke ame he lakon Isaraela me tenge hnyi hnyi-makö Iehova ke ne o but hnyi sahac; ke ödrin e hnei Iehova me ha, ka habe, Hawa, oge me he hmetu he ka vat me laku Beniamina je liamekeiny mönya? Ke Iehova ame ha, ka habe, He thö ködrin.)

Owisa 20:27

Ke haba lakon Isaraela ödrin e elâm unyi Iehova (anyin a eling tangen ûhihinyköu anyin Khong hnyi je bong eling,

Owisa 4:12

Ke ödrin e thumetu Sisera, ka habe, E but Baraka nöku Abinoam ka hnyi bucen Tabora.

Owisa 4:6

Ke e ame ûkhûnöng ka hawo Baraka nöku Abinoam ûheny Kadesi-nafatali, me ha kâu, ka habe, Hawa, a ca ha Iehova Khongu Isaraela, ka habe, He thö, hok do ka hnyi bucen Tabora, ke tha hom mou ten thauzan laku Nafatali, me laku Zekulona?

Owisa 8:18

Ke e ame ha kö Zeba me Zalemuna, ka habe, Ehö tavat obe hlingâ hnyi Tabora! Me haingödru, ka habe, Ödrin e tha ûcû mou; haba ödrin hia me ve ûcû me lakon than.

I. Samuela 10:4

ke ödrin e he ka iouny mou, me ham köu lo li aretoʼ; ke u me he ka kap gadrin.