I. Samuela 10:24 - Iaai Bible 1901 (New Caledonia)

²⁴ Ke hâhâ Samuela ame ha ka tavat hia, ka habe, Wâ ju e, wale a ûca Iehova, anyin ae ba at helâ mē unyin tavat hia thithö. Me ame hongot tavat hia, me tha ha, ka habe, Khong lö omelö than.

I. Samuela 10:24 ပူးပေါင်းရင်းမြစ်များ

II. Samuela 16:16

Ke ame o but Husai at Areki ihumi Davita kö Abasoloma, me haba Husai ame ha kö Abasoloma, ka habe, E so e möt bi than, e so e möt bi than.

II. Samuela 21:6

ame he ka ham kohmun seven lakon obaga me ohmun e he ka uhni ödrin hobi kö Iehova hnyi Gibea i Saulo, wale hnö Iehova hna ûca. Ke haingen than, ka habe, Oge me he ka ham ödrin.

I. Je Than 1:21

Ke a ne ba, adre me he ka hai kongu nya me Solomona a nokuk, u ka tha mokut ut me je lakâmâm.

I. Je Than 1:25

Anyin a e ame he but eja, me thân je bolok me je meno ae pipikhenya, me je mamoe ae se hia, ke e a hia but hauâ lakon than hia, me je taben vat, me Abiathara at bihut; ke wâ bi, ödri ne han me ic hnyi hnyimakan, ke ödrin e ha, ka habe, E so e möt than Adonia.

I. Je Than 1:34

me hamö Zadoka at bihut me Nathana perofeta, he ka hû e eling me me than bi hon at Isaraela: ke öbun e he ka tûâ trutru, me ha, ka habe, E so e möt bi than Solomona.

I. Je Than 1:39

Me haba Zadoka at bihut ame hom faoiny meno taben wakaco ûnyi hnyi Uma Mano, me hû Solomona. Ke ödrin e tûâ trutru; ke ame ha tavat hia, ka habe, E so e möt bi than Solomona.

II. Je Than 11:12

Ke e ame hom but nokon than, me obicâ e ge korona, me ham kâu ûnyi hnân ohnatho; ke ödrin e otilâ e me me than, me hû e; me ödrin e khöûkhöû hnyam me ha, ka habe, Khong lo omelö than.

II. Man Ûlabainy Je Than. 23:11

Me ödrin e hom nokon than, me obicâ e ge korona, me ham kâu ûnyi hnân ohnatho, me otilâ e ka than: ke haba Jehoiada me lakon ödrin e hû e; me ödrin e ha, ka habe, E so e möt than.

Mataio 21:9

Ke haba tavat adre me bödra me tavat a bilidra, adre me kuku me ha, ka habe, Hosana ka Nöku Davita: Hnen hnahic at ame o but hnyi ien Than; Hosana ethö beönua.

Deuteronomi 17:15

awe, u me he ka otilâ than a at ame he Iehova Khongom ka ûca: ke u me he ka otilâ ânyâm than ûnyi hnyi je liamekeiny mou: kʼ u me ca he ka otilâ atkanyua hom, a ca liamekeiny möu.

I. Samuela 11:15

Me ame he tavat hia Gilegala ai; me adre me otilö Saulo eling ka than hnyi hnyimakö Iehova hnyi Gilegala; ke adre me hudo eling je hudiny ole hnyi hnyimakö Iehova; me ame tha senyin gan hmâ eling Saulo me at Isaraela hia.

I. Samuela 12:1

KE Samuela ame ha ka at Isaraela hia, ka habe, Wâ bi, oge hia but long hia hoton hobun hofuc waleji öbun e ha könya, me otilâ tuhöbun.

I. Samuela 12:13

Ke walang ang, wâ bi than öbun e ûca, me sumâtâ: ke wâ bi Iehova ame hia but otilâ tuhöbun.

I. Samuela 9:2

Ke e hu nokon baga, Saulo ien, hidröu ae hmanenang; ke ba at unyin lakon Isaraela ae so hon: ke haba ûbeûen e hon tavat hia, me bongödra hnyi li abenyin.